ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ຕຸລານີ້ຕາມເວລາທ້ອງຖິ່ນ, ທ່ານຈ່າງຈວິ່ນ ຜູ້ຕາງໜ້າຖາວອນຂອງ ສປ ຈີນ ປະຈຳອົງການສະຫະປະຊາຊາດໄດ້ຈັດກອງປະຊຸມຖະແຫລງຂ່າວໂດຍກ່າວວ່າ: ປີນີ້ແມ່ນປີທີ່ສາທາລະນະລັດປະຊາຊົນຈີນຟື້ນຟູທີ່ນັ່ງທີ່ຖືກຕ້ອງຕາມກົດໝາຍຢູ່ອົງການສະຫະປະຊາຊາດຄົບຮອບ 50 ປີ, ເຊິ່ງມີຄວາມໝາຍພິເສດຕໍ່ ສປ ຈີນ ແລະອົງການສະຫະປະຊາຊາດ.
ທ່ານຈ່າງຈວິ່ນກ່າວວ່າ: 50 ປີທີ່ຜ່ານມາ, ການພັດທະນາຂອງຈີນໄດ້ປະສົບຜົນສຳເລັດອັນໃຫຍ່ຫລວງ, ຈີນໄດ້ເສີມຂະຫຍາຍບົດບາດນັບມື້ນັບຫລາຍຂຶ້ນໃນວຽກງານສາກົນ, ເຊິ່ງໄດ້ປະກອບສ່ວນອັນສຳຄັນເຂົ້າໃນການສ້າງສັນຕິພາບ ແລະການພັດທະນາຂອງໂລກ. ເນື່ອງໃນໂອກາດສຳຄັນນີ້, ຈີນຈະສືບຕໍ່ຈັດກິດຈະກຳຫລາກຫລາຍຮູບແບບ, ຍັງຈະຈັດກອງປະຊຸມສະເຫລີມສະຫລອງຢູ່ນະຄອນຫລວງປັກກິ່ງ ສປ ຈີນໃນວັນທີ 25 ຕຸລານີ້.
ທ່ານຈ່າງຈວິ່ນກ່າວເນັ້ນໜັກວ່າ: ຈີນຈະເສີມຂະຫຍາຍບົດບາດພິເສດຂອງຕົນທີ່ເປັນປະເທດໃຫຍ່, ປົກປັກຮັກສາຄວາມຍຸຕິທຳ ແລະຄວາມເປັນທຳ, ປະຕິບັດໜ້າທີ່ຄວາມຮັບຜິດຊອບຕາມສົມຄວນ, ຊຸກຍູ້ການແກ້ໄຂຄວາມຂັດແຍ່ງຜ່ານທາງການທູດ ແລະການເມືອງ, ຄັດຄ້ານການກະທຳເຈົ້າອຳນາດ ແລະຂົ່ມເຫັງ, ຊຸກຍູ້ໃຫ້ອົງການສະຫະປະຊາຊາດພັດທະນາຕາມທິດທາງທີ່ຖືກຕ້ອງ.
ຄຳເຫັນ
0