ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ຕຸລານີ້ຕາມເວລາທ້ອງຖິ່ນ, ທ່ານອິສມາຍ ຊາບຣີ ນາຍົກລັດຖະມົນຕີມາເລເຊຍໄດ້ຮຽກຮ້ອງໃຫ້ອາຊຽນແລະຈີນຜ່ານຈາກການແບ່ງປັນດ້ານຄວາມຮູ້ດ້ານເຕັກນິກວິທະຍາສາດ ແລະ ຊັບສິນທາງປັນຍາອັດສະລິຍະ, ເພີ່ມທະວີການຮ່ວມມືໃນດ້ານສາທາລະນະສຸກ ແລະ ຄວາມສາມາດດ້ານການຜະລິດຢາ ເພື່ອສະໜັບສະໜູນການຜະລິດວັກຊີນໂຄວິດ-19 ຂອງພາກພື້ນ.
ທ່ານອິສມາຍ ຊາບຣີໄດ້ມີຄຳເຫັນໃນກອງປະຊຸມສຸດຍອດອາຊຽນຄັ້ງທີ 39 ວ່າ: ວັກຊີນໂຄວິດ-19 ທີ່ຈີນຜະລິດ ໄດ້ຊ່ວຍຫຼາຍປະເທດຕ້ານກັບການແຜ່ລະບາດຂອງພະຍາດໂຄວິດ-19, ການຮ່ວມມືໃນດ້ານນີ້ຈະຊ່ວຍໃຫ້ອາຊຽນປັບປຸງລະບົບສາທາລະນະສຸກໃຫ້ດີຂຶ້ນ, ທັງສາມາດກະກຽມໃຫ້ໄດ້ດີກວ່າເກົ່າ ແລະ ຮັບມືກັບວິກິດການທີ່ອາດຈະເກີດຂຶ້ນໃນອະນາຄົດໄດ້ດີກວ່າເກົ່າ.
ທ່ານອິສມາຍ ຊາບຣີກ່າວຕື່ມວ່າ: ມາເລເຊຍສະແດງຄວາມຂອບໃຈປະເທດຈີນທີ່ໄດ້ສະໜັບສະໜູນ ແລະ ປະກອບສ່ວນເຂົ້າໃນຂອບຟື້ນຟູອາຊຽນຢ່າງຮອບດ້ານ ຫຼື ACRF ແລະ ແຜນການຈັດຕັ້ງປະຕິບັດຂອບດັ່ງກ່າວ. ມາເລເຊຍໄດ້ສຸມກຳລັງ ເພື່ອໃຫ້ສັນຍາວ່າດ້ວຍການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນ ຫຼື RCEP ຜ່ານການຮັບຮອງໃນທ້າຍປີນີ້, ເພາະວ່າມັນຈະມີຜົນດີຕໍ່ການເລັ່ງລັດການຟື້ນຟູຂອງພາກພື້ນ.
ຄຳເຫັນ
0