ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານ ວ່າງເວີນປິ່ນ ໂຄສົກກະຊວງການຕ່າງປະເທດຈີນ ໄດ້ຕອບຄຳຖາມຂອງນັກຂ່າວກ່ຽວກັບອາເມຣິກາເຜີຍແຜ່ບົດລາຍງານການສືບຫາແຫຼ່ງກຳເນີດຂອງໄວຣັດໂຄວິດ 19 ສະບັບແກ້ຄວາມລັບ.
ທ່ານ ວ່າງເວີນປິ່ນ ກ່າວວ່າ: ໃນເດືອນສິງຫາທີ່ຜ່ານມາ, ພາກສ່ວນຂ່າວລັບຂອງອາເມຣິກາໄດ້ເຜີຍແຜ່ບົດລາຍງານສະບັບແກ້ຄວາມລັບດັ່ງກ່າວ, ເວລານັ້ນ ຈີນກໍໄດ້ສະແດງທ່າທີຄັດຄ້ານຢ່າງເດັດດ່ຽວ. ເຖິງຈະເວົ້າພັນເທື່ອ, ຄຳຂີ້ຕົວະກໍຍັງເປັນຄຳຂີ້ຕົວະຄືເກົ່າ, ມັນບໍ່ສາມາດປ່ຽນແປງລັກສະນະຂອງບົດລາຍງານດັ່ງກ່າວທີ່ເປັນບົດລາຍງານທາງການເມືອງ ແລະ ບົດລາຍງານປອມແປງທັງນັ້ນ, ເຊິ່ງບໍ່ມີຫຼັກຖານວິທະຍາສາດ ແລະ ບໍ່ໜ້າເຊື່ອແມ່ນແຕ່ໜ້ອຍດຽວ. ພາກສ່ວນຂ່າວລັບຂອງອາເມຣິກາ ເຄີຍເຮັດຊົ່ວຢ່າງຫຼວງຫຼາຍ, ວິທີການປັ້ນແຕ່ງເລື່ອງປອມ ແລະ ຫຼອກລວງຂອງພວກເຂົາເຈົ້າ ເປັນທີ່ຊາວໂລກລ້ວນແຕ່ຮູ້ຈັກມາແລ້ວ.
ສິ່ງທີ່ອາເມຣິກາຄວນເຮັດໃນປັດຈຸບັນ ກໍຄື: ຢຸດຕິການຖິ້ມໂທດໃສ່ພາຍນອກ, ນຳໃຊ້ກຳລັງວັງຊາຂອງຕົນເຂົ້າໃນການຕໍ່ຕ້ານພະຍາດພາຍໃນປະເທດ ແລະ ການຮ່ວມມືທົ່ວໂລກ, ຢຸດຕິການຫຼິ້ນການເມືອງ, ສ້າງເງື່ອນໄຂໃຫ້ແກ່ນັກວິທະຍາສາດທົ່ວໂລກ ເພື່ອດຳເນີນການຮ່ວມມືໃນການສືບຫາແຫຼ່ງກຳເນີດຂອງໂຄວິດ 19. ຢຸດຕິການໃສ່ຮ້າຍປ້າຍສີປະເທດຈີນ, ໃຫ້ຄຳຕອບແກ່ຄວາມສົນໃຈທີ່ສົມເຫດສົມຜົນຂອງປະຊາຄົມໂລກ, ຮັບເອົາການເຂົ້າຢ້ຽມຢາມຂອງຜູ້ຊ່ຽວຊານຈາກອົງການອະນາໄມໂລກ, ພ້ອມທັງເປີດປະຕູຂອງຫ້ອງທົດລອງສິ່ງມີຊີວິດຟອດເດີຕຣິກ ແລະ ສູນທົດລອງສິ່ງມີຊີວິດ.
ຄຳເຫັນ
0