ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມສຸດຍອດຂອງກຸ່ມ G20 ທີ່ຈັດຂຶ້ນໃນວັນທີ 30 ຕຸລາຜ່ານມາ, ຜູ້ນຳຫຼາຍປະເທດແລະຜູ້ຮັບຜິດຊອບອົງການຈັດຕັ້ງສາກົນຫຼາຍທ່ານໄດ້ກ່າວຄຳປາໄສໂດຍຮຽກຮ້ອງປະຊາຄົມໂລກໃຫ້ເພີ່ມທະວີການຮ່ວມມືໃນດ້ານການຮັບມືກັບການແຜ່ລະບາດຂອງພະຍາດໂຄວິດ-19 ແລະແບ່ງປັນວັກຊີນໂຄວິດ-19 ຢ່າງຍຸຕິທຳ.
ທ່ານ ມາຣີໂອ ດຣະກີ ນາຍົກລັດຖະມົນຕີອີຕາລີທີ່ເປັນປະເທດປະທານໝູນວຽນຂອງກຸ່ມ G20 ໄດ້ຮຽກຮ້ອງໃຫ້ບັນດາປະເທດເພີ່ມທະວີການຮ່ວມມືກັນ, ສະໜອງວັກຊີນໂຄວິດ-19 ໃຫ້ແກ່ປະເທດທີ່ດ້ອຍພັດທະນາທີ່ສຸດ, ທັງຊຸກຍູ້ການແບ່ງປັນວັກຊີນໂຄວິດ-19 ຢ່າງຍຸຕິທຳ. ທ່ານກ່າວວ່າ: ປັດຈຸບັນ, ປະເທດທີ່ພັດທະນາແລ້ວແລະປະເທດທຸກຍາກມີຄວາມແຕກໂຕນກັນຫຼາຍໃນດ້ານອັດຕາການສັກວັກຊີນໂຄວິດ-19,ຈະທຳລາຍຂະບວນການຟື້ນຟູເສດຖະກິດໂລກ.
ທ່ານ ວະລາດີເມຍ ປູຕິນ ປະທານາທິບໍດີຣັດເຊຍໄດ້ຮຽກຮ້ອງໃຫ້ກຸ່ມ G20 ແກ້ໄຂບັນຫາດ້ານການຮັບຮອງວັກຊີນໂຄວິດ-19 ເຊິ່ງກັນແລະກັນແລະໃບຢັ້ງຢືນການສັກວັກຊີນໂຄວິດ-19 ໂດຍໄວ.ທ່ານກ່າວວ່າ: ເນື່ອງຈາກລັດທິປົກປ້ອງແລະການແຂ່ງຂັນກັນທີ່ບໍ່ມີຄວາມຍຸຕິທຳຂອງປະເທດຈຳນວນໜຶ່ງ,ກໍຄືການຂາດແຄນການຮັບຮອງວັກຊີນໂຄວິດ-19 ເຊິ່ງກັນແລະກັນ, ປະເທດທີ່ມີຄວາມຕ້ອງການຈຳນວນໜຶ່ງບໍ່ສາມາດໄດ້ຮັບວັກຊີນໂຄວິດ-19.
ອົງການອະນາໄມໂລກຫຼື WHO ໄດ້ກ່າວເນັ້ນອີກແລ້ວອີກຕື່ມວ່າ: ຢູ່ປະເທດທີ່ມີອັດຕາການສັກວັກຊີນໂຄວິດ-19 ຕ່ຳອາດຈະເກີດມີໄວຣັດໂຄວິດ-19 ກາຍພັນຊະນິດໃໝ່,ແລ້ວກາຍເປັນໄພຂົ່ມຂູ່ຕໍ່ປະເທດທັງຫຼາຍ.
ຄຳເຫັນ
0