ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ພະຈິກນີ້, ທ່ານອິສມາຍ ຊາບຣີ, ນາຍົກລັດຖະມົນຕີມາເລເຊຍໄດ້ກ່າວຄຳປາໄສໃນພິທີເປີດເຜີຍ “ແຜນພັດທະນາວັກຊີນແຫ່ງຊາດ” ມາເລເຊຍ, ໂດຍກ່າວເນັ້ນວ່າຈະອອກແຮງຍົກສູງຄວາມສາມາດໃນການຄົ້ນຄວ້າພັດທະນາວັກຊີນຂອງປະເທດຕົນ.
ທ່ານອິສມາຍ ຊາບຣີກ່າວວ່າ, ປີ 2020, ມູນຄ່າການນຳເຂົ້າຜະລິດຕະພັນການແພດ ແລະ ຢາຂອງມາເລເຊຍມີເຖິງ 1,94 ຕື້ໂດລາສະຫະລັດ, ໃນນັ້ນ ຜະລິດຕະພັນທີ່ພົວພັນເຖິງວັກຊີນໂຄວິດ-19 ມີເກືອບ 1,1 ຕື້ໂດລາ. ທ່ານກ່າວຕື່ມວ່າ, ການອາໄສການນຳເຂົ້າວັກຊີນສະແດງໃຫ້ເຫັນເຖິງຄວາມຈຳເປັນຂອງມາເລເຊຍທີ່ຕ້ອງບຳລຸງສ້າງຜູ້ປະດິດສ້າງເຕັກໂນໂລຊີໃຫ້ຫຼາຍກວ່າເກົ່າ, ແຕ່ບໍ່ພຽງແຕ່ແມ່ນຜູ້ນຳໃຊ້ເຕັກໂນໂລຊີເທົ່ານັ້ນ. “ແຜນພັດທະນາວັກຊີນແຫ່ງຊາດ”ມາເລເຊຍຈະບໍ່ພຽງແຕ່ສຸມໃສ່ວັກຊີນໂຄວິດ-19 ເທົ່ານັ້ນ, ຍັງຈະເປີດກວ້າງໄປສູ່ວັກຊີນ ປ້ອງກັນ ແລະ ປິ່ນປົວພະຍາດອື່ນໆອີກ.
ຄຳເຫັນ
0