ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ສະຫະພັນທ່ອງທ່ຽວໂລກໄດ້ເປີດເຜີຍບົດລາຍງານໃນຫົວຂໍ້ວ່າ: “ສະຫະພັນທ່ອງທ່ຽວໂລກປີ2021: ຕົວຢ່າງກ່ຽວກັບການທ່ອງທ່ຽວຊ່ວຍຊຸກຍູ້ການພັດທະນາຊົນນະບົດ”. ຕາມຂ່າວລາຍງານວ່າ: ບົດລາຍງານສະບັບນີ້ໄດ້ສະແດງໃຫ້ເຫັນຢ່າງເຕັມສ່ວນເຖິງໝາກຜົນອັນພົ້ນເດັ່ນຂອງຈີນກ່ຽວກັບການທ່ອງທ່ຽວຊ່ວຍຊຸກຍູ້ການພັດທະນາຊົນນະບົດ ແລະຢູ່ບົນພື້ນຖານທີ່ໄດ້ລົງເລິກວິໄຈ,ສະຫຼຸບຜົນການຄົ້ນຄວ້ານັ້ນ, ຍັງໄດ້ໃຫ້ຄຳແນະນຳຕ່າງໆກ່ຽວກັບການພັດທະນາຊົນນະບົດໃຫ້ຈະເລີນຮຸ່ງເຮືອງ.
ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວປະຈຳວັນທີ 2 ພະຈິກນີ້ວ່າ: ນີ້ແມ່ນມາດຕະການສຳຄັນຂອງຈີນໃນການຈັດຕັ້ງປະຕິບັດວາລະການພັດທະນາແບບຍືນຍົງປີ2030 ຂອງອົງການສະຫະປະຊາຊາດ ໃນຂົງເຂດການທ່ອງທ່ຽວ ແລະເພີ່ມທະວີການແລກປ່ຽນແລະຖອດຖອນບົດຮຽນເຊິ່ງກັນແລະກັນກັບບັນດາປະເທດໃນໂລກໃນຂົງເຂດນີ້. ທ່ານວ່າງເວີນປິ່ນໄດ້ເຊີນຊວນດ້ວຍຄວາມຈິງໃຈໃຫ້ຄົນທົ່ວໄປທ່ຽວຊົນນະບົດທີ່ສວຍງາມຂອງຈີນ.
ທ່ານວ່າງເວີນປິ່ນກ່າວວ່າ: “ບົດລາຍງານໃນຫົວຂໍ້‘ສະຫະພັນທ່ອງທ່ຽວໂລກປີ2021: ຕົວຢ່າງກ່ຽວກັບການທ່ອງທ່ຽວຊ່ວຍຊຸກຍູ້ການພັດທະນາຊົນນະບົດ’ໄດ້ຮິບໂຮມ 50 ຕົວຢ່າງທີ່ໂດດເດັ່ນໃນບັນດາແຂວງ, ເຂດປົກຄອງຕົນເອງແລະກຳແພງນະຄອນທັງໝົດ 31 ແຫ່ງໃນທົ່ວປະເທດຈີນ ເຊິ່ງໄດ້ສ່ອງແສງໃຫ້ເຫັນຢ່າງມີຊີວິດຊີວາກ່ຽວກັບໝາກຜົນການພັດທະນາເສັ້ນທາງພັດທະນາຊົນນະບົດໃຫ້ຈະເລີນຮຸ່ງເຮືອງຕາມທິດສັງຄົມນິຍົມທີ່ມີສີສັນພິເສດຂອງຈີນ ທັງເປັນການປະກອບສ່ວນພິເສດຂອງຈີນເພື່ອພາລະກິດການຫຼຸດຜ່ອນຄວາມທຸກຍາກແລະການພັດທະນາຂອງໂລກ.”
ຄຳເຫັນ
0