ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ພະຈິກນີ້, ປະທານສະພາການຄ້າຊາວຈີນຕ່າງດ້າວປະຈຳມາເລເຊຍໄດ້ກ່າວວ່າ: ຈະຈັດຄະນະເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີ 4 ເຊິ່ງອົງການຕົນໄດ້ເຂົ້າຮ່ວມງານ 4 ຄັ້ງລຽນຕິດນັບແຕ່ປີ 2018 ເປັນຕົ້ນມາ. ທ່ານກ່າວວ່າ: ງານວາງສະແດງສິນຄ້ານຳເຂົ້າສາກົນຈີນທີ່ຈັດໂດຍປະເທດຈີນ ແມ່ນງານມະໂຫລານສຳລັບນັກທຸລະກິດຊາວຈີນຕ່າງດ້າວໃນທົ່ວໂລກ, ໄດ້ສ້າງຄວາມໝັ້ນໃຈໃຫ້ແກ່ການຟື້ນຟູເສດຖະກິດໂລກ.
ທ່ານກ່າວເນັ້ນວ່າ: ຈີນແມ່ນປະເທດຄູ່ການຄ້າໃຫຍ່ທີ່ສຸດຂອງມາເລເຊຍ 12 ປີລຽນຕິດ, ທ່ານຫວັງວ່າ ການໄປມາຫາສູ່ກັນແລະການຮ່ວມມືດ້ານເສດຖະກິດການຄ້າລະຫວ່າງສອງປະເທດໃນອະນາຄົດ ຈະສາມາດສຸມໃສ່ຂົງເຂດເຕັກນິກຂັ້ນສູງແລະຂົງເຂດເສດຖະກິດດີຈີຕອນ ເພື່ອບັນລຸເປົ້າໝາຍການຊົມໃຊ້ຮ່ວມກັນແລະຕ່າງຝ່າຍຕ່າງມີຜົນປະໂຫຍດໃນຫຼາຍລະດັບແລະຫຼາຍຂົງເຂດ.
ຂ່າວແຈ້ງວ່າ: ໃນງານວາງສະແດງຄັ້ງນີ້, ສະພາການຄ້າຊາວຈີນຕ່າງດ້າວປະຈຳມາເລເຊຍນອກຈາກມີຮ້ານວາງສະແດງ 20 ບ່ອນຢູ່ເຂດວາງສະແດງອາຫານແລະຜະລິດຕະພັນກະສິກຳແລ້ວ, ຍັງໄດ້ນຳເອົາ 4 ວິສາຫະກິດຂອງມາເລເຊຍມາເຂົ້າຮ່ວມວາງສະແດງຢູ່ເຂດວາງວາງສະແດງສຳລັບອຸປະກອນການແພດແລະຮັກສາສຸຂະພາບ.
ຄຳເຫັນ
0