ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ພະຈິກນີ້, ໂຄງການສິ່ງແວດລ້ອມ ສປຊ ໄດ້ເຜີຍແຜ່ “ບົດລາຍງານກ່ຽວກັບຄວາມແຕກໂຕນກັນໃນການປັບຕົວໃຫ້ເຂົ້າກັບສະພາບດິນຟ້າອາກາດປີ 2021: ພະຍຸກຳລັງມາ” ໂດຍລະບຸວ່າ: ເຖິງວ່ານະໂຍບາຍແລະແຜນການທີ່ກ່ຽວຂ້ອງກັບການປັບຕົວໃຫ້ເຂົ້າກັບສະພາບດິນຟ້າອາກາດໄດ້ເພີ່ມຂຶ້ນເລື້ອຍໆ, ແຕ່ຄວາມຄືບໜ້າດ້ານການລະດົມທຶນແລະການປະຕິບັດຕົວຈິງຍັງບໍ່ທັນບັນລຸເຖິງລະດັບທີ່ຕ້ອງການເທື່ອ. ຫຼາຍປະເທດບໍ່ໄດ້ນຳໃຊ້ໂອກາດການຟື້ນຟູທາງດ້ານເສດຖະກິດຫຼັງການແຜ່ລະບາດຂອງພະຍາດໂຄວິດ-19 ໃຫ້ດີ, ບໍ່ໄດ້ບັນລຸເປົ້າໝາຍຊຸກຍູ້ການເຕີບໂຕທາງດ້ານເສດຖະກິດຕາມທິດສີຂຽວເປັນບູລິມະສິດແລ້ວນັ້ນ, ຍັງເພີ່ມທະວີຄວາມສາດມາດໃນການປັບຕົວຍ້ອນຜົນກະທົບຈາກຄວາມແຫ້ງແລ້ງ, ລົມພາຍຸ, ໄຟໄໝ້ປ່າ ແລະອື່ນໆ.
ທ່ານອິນເກີ ອັນເດີເຊັນ ຫົວໜ້າບໍລິຫານງານຂອງໂຄງການສິ່ງແວດລ້ອມ ສປຊ ກ່າວວ່າ: “ໂລກພວມສຸມຄວາມພະຍາຍາມເພີ່ມທະວີການຫຼຸດການປ່ອຍອາຍພິດເຮືອນແກ້ວ, ແຕ່ກໍ່ຍັງບໍ່ພຽງພໍ. ພ້ອມດຽວກັນນັ້ນ, ປະເທດຕ່າງໆຍັງຕ້ອງເພີ່ມຄວາມພະຍາຍາມຢ່າງຫຼວງຫຼາຍໃນການປັບຕົວໃຫ້ເຂົ້າກັບສະພາບການປ່ຽນແປງຂອງດິນຟ້າອາກາດ. ເຖິງວ່າປັດຈຸບັນນີ້, ພວກເຮົາໄດ້ປິດຝາຄວບຄຸມການລະບາຍອາຍພິດເຮືອນແກ້ວທັງໝົດແລ້ວ, ສະກັດກັ້ນການປ່ອຍກາກບອນດີອົກຊິນທັງໝົດ, ແຕ່ຜົນກະທົບຈາກການປ່ຽນແປງຂອງດິນຟ້າອາກາດຍັງຈະຢູ່ນຳພວກເຮົາໃນອີກຫຼາຍສິບປີຕໍ່ໜ້າ. ພວກເຮົາຕ້ອງປະຕິຮູບການລະດົມທຶນແລະການປັບຕົວໃຫ້ເຂົ້າກັບດິນຟ້າອາກາດ, ວາງເປົ້າໝາຍໃຫຍ່ກວ່າເກົ່າ ເພື່ອຫຼຸດຜົນກະທົບແລະຄວາມເສຍຫາຍຍ້ອນການປ່ຽນແປງຂອງດິນຟ້າອາກາດ. ພວກເຮົາຕ້ອງມີການເຄື່ອນໄຫວໃນທັນທີ.”
ຄຳເຫັນ
0