ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 6 ພະຈິກນີ້, ກິດຈະກຳ“ສິນຄ້າດີເດັ່ນອາຊີ-ອາຟຣິກາ2021”ຈະຈັດຂຶ້ນໃນໄລຍະຈັດງານວາງສະແດງສິນຄ້ານຳເຂົ້າສາກົນຈີນຄັ້ງທີ 4. ກິດຈະກຳຄັ້ງນີ້ແມ່ນສະຖານີວິທະຍຸໂທລະພາບສູນກາງຈີນ ແລະອົງການຈັດຕັ້ງທີ່ກ່ຽວຂ້ອງຂອງຫຼາຍປະເທດອາຊີ-ອາຟຣິກາ ເຊັ່ນ: ຍີ່ປຸ່ນ, ສ.ເກົາຫຼີ, ໄທ, ມາເລເຊຍ ແລະປະເທດອື່ນໆຮ່ວມມືກັນວາງແຜນຈັດຂຶ້ນ, ໂດຍມີຫົວຂໍ້ວ່າ “ສຳຜັດກັບສິນຄ້າດີເດັ່ນຂອງອາຊີ-ອາຟຣິກາ, ຮ່ວມກັນຊົມໃຊ້ຊີວິດທີ່ດີງາມ”, ເພື່ອນຳສະເໜີຜະລິດຕະພັນທີ່ດີເດັ່ນຂອງຫຼາຍປະເທດອາຊີ-ອາຟຣິກາໃຫ້ຜູ້ບໍລິໂພກຊາວຈີນ, ຊ່ວຍເຫຼືອວິສາຫະກິດ ແລະ ປະຊາຊົນຂອງປະເທດເຫຼົ່ານີ້ຊົມໃຊ້ໂອກາດທຸລະກິດອັນໃຫຍ່ຫຼວງໃນຕະຫຼາດຈີນ. ໃນໄລຍະຈັດງານວາງສະແດງສິນຄ້ານຳເຂົ້າສາກົນຈີນຄັ້ງທີ 3, ກິດຈະກຳຖ່າຍທອດສົດເພື່ອໂຄສະນາ ແລະ ຈຳໜ່າຍສິນຄ້າ 2 ຄັ້ງທີ່ຈັດຂຶ້ນໂດຍສະຖານີວິທະຍຸໂທລະພາບສູນກາງຈີນໄດ້ມີຍອດມູນຄ່າການຈຳໜ່າຍຫຼາຍກວ່າ 140 ລ້ານຢວນ.
ງານວາງສະແດງສິນຄ້ານຳເຂົ້າສາກົນຈີນຄັ້ງທີ 4 ຈະຈັດຂຶ້ນຢູ່ນະຄອນຊຽງໄຮປະເທດຈີນແຕ່ວັນທີ 5 ຫາວັນທີ 10 ພະຈິກນີ້, ມີເກືອບ 3000 ວິສາຫະກິດທີ່ມາຈາກ 127 ປະເທດ ແລະ ເຂດແຄວ້ນໄດ້ເຂົ້າຮ່ວມການວາງສະແດງ, ຈຳນວນວິສາຫະກິດຂະໜາດກາງ ແລະ ນ້ອຍທີ່ເຂົ້າຮ່ວມການວາງສະແດງເປັນກຸ່ມນັ້ນໄດ້ເພີ່ມຂຶ້ນ 30% ເມື່ອທຽບໃສ່ປີ 2020. ຜູ້ບໍລິໂພກຊາວຈີນໄດ້ສຳຜັດກັບສິນຄ້ານຳເຂົ້າທີ່ມີຄຸນນະພາບສູງຫຼາຍກວ່າເກົ່າຈາກງານວາງສະແດງດັ່ງກ່າວ, ນັກທຸລະກິດຕ່າງປະເທດທີ່ເຂົ້າຮ່ວມງານວາງສະແດງກໍໄດ້ໃຊ້ເວທີງານວາງສະແດງຄັ້ງນີ້ເພື່ອຄວ້າເອົາໂອກາດທຸລະກິດໃຫ້ໄດ້ຫຼາຍກວ່າເກົ່າ. ງານວາງສະແດງສິນຄ້ານຳເຂົ້າສາກົນຈີນພວມສ້າງໂອກາດຫຼາຍກວ່າເກົ່າໃຫ້ແກ່ການຟື້ນຟູເສດຖະກິດຂອງໂລກ.
ຄຳເຫັນ
0