ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ພະຈິກນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນກ່າວວ່າ: ງານກິລາໂອລິມປິກລະດູໜາວປັກກິ່ງຈະປະຕິບັດຕາມແນວຄວາມຄິດການຈັດງານກິລາໂອລິມປິກແບບເປີດກວ້າງ, ຕັ້ງແຕ່ເລີ່ມຕົ້ນວຽກງານການກະກຽມກໍໄດ້ສະແດງຄວາມຍິນດີຕ້ອນຮັບຕໍ່ສື່ມວນຊົນປະເທດຕ່າງໆໃຫ້ສົນໃຈ ແລະລາຍງານຂ່າວກ່ຽວກັບງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການລະດູໜາວປັກກິ່ງມາໂດຍຕະຫຼອດ.
ຂ່າວແຈ້ງວ່າ: ວັນທີ 4 ພະຈິກນີ້, ໂຄສົກກະຊວງການຕ່າງປະເທດອາເມຣິກາກ່າວວ່າ: ອາເມຣິກາເຕືອນໃຫ້ປະເທດຈີນ ໃນໄລຍະຈັດງານກິລາໂອລິມປິກລະດູໜາວປັກກິ່ງ, ຢ່າສູ່ຈຳກັດການເຄື່ອນໄຫວເສລີແລະການເຂົ້າເຖິງຂອງນັກຂ່າວ, ຮັບປະກັນຄວາມປອດໄພສ່ວນບຸກຄົນແລະເສລີພາບໃນການເຄື່ອນໄຫວເອົາຂ່າວຂອງນັກຂ່າວ.
ທ່ານວ່າງເວີນປິ່ນໄດ້ໃຫ້ທັດສະນະດັ່ງກ່າວໃນເວລາຕອບຄຳຖາມທີ່ກ່ຽວຂ້ອງ. ທ່ານກ່າວວ່າ: ປັດຈຸບັນ, ມີນັກຂ່າວຫຼາຍກວ່າ 2500 ຄົນໄດ້ຍື່ນຄຳຮ້ອງຂໍຈົດທະບຽນຕໍ່ຄະນະກຳມະການໂອລິມປິກລະດູໜາວປັກກິ່ງແລ້ວ. ຈີນຍິນດີຕ້ອນຮັບນັກຂ່າວມາເອົາຂ່າວກ່ຽວກັບການສ້າງສະໜາມກິລາ, ການຈັດຕັ້ງວຽກງານການແຂ່ງຂັນ, ການຮັບປະກັນການດຳເນີນງານ ແລະວຽກງານທີ່ກ່ຽວຂ້ອງອື່ນໆ, ແລະຕິດຕາມກວດກາຫາງສຽງຕໍ່ວຽກງານການກະກຽມ ເຊິ່ງນີ້ຈະຊ່ວຍເຫຼືອໃຫ້ພວກຂ້າພະເຈົ້າຍົກສູງຄວາມສາມາດໃນການຈັດຕັ້ງແລະດຳເນີນງານກ່ຽວກັບການແຂ່ງຂັນກິລາ. ແຕ່ວ່າ, ຈີນເດັດດ່ຽວຄັດຄ້ານການຫັນກິລາເປັນບັນຫາການເມືອງ, ຄັດຄ້ານແນວຄິດອະຄະຕິທາງຮູບຖານຈິດສຳນຶກທີ່ຮຸນແຮງ ໂດຍຖືປະເທດຈີນເປັນເປົ້າໝາຍ, ຄັດຄ້ານການສ້າງຂ່າວລືແລະຂໍ້ມູນປອມ ໂດຍອ້າງເສລີພາບດ້ານການອອກຂ່າວ ເພື່ອໃສ່ຮ້າຍປ້າຍສີແລະທຳລາຍບົດບາດຊື່ສຽງຂອງຈີນແລະງານກິລາໂອລິມປິກລະດູໜາວປັກກິ່ງ.
ຄຳເຫັນ
0