ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 5 ພະຈິກນີ້, ສະພາຕ່ຳຂອງລັດຖະສະພາອາເມຣິກາໄດ້ລົງຄະແນນສຽງຜ່ານການຮັບຮອງກົດໝາຍວ່າດ້ວຍການລົງທຶນໃນດ້ານພື້ນຖານໂຄງລ່າງແບບຂ້າມພັກການເມືອງທີ່ມີມູນຄ່າປະມານ 1 ພັນຕື້ໂດລາສະຫະລັດ. ກ່ອນໜ້ານີ້, ກົດໝາຍສະບັບດັ່ງກ່າວໄດ້ຜ່ານການຮັບຮອງຈາກສະພາສູງອາເມຣິກາແລ້ວ,ມາຮອດປັດຈຸບັນໄດ້ຜ່ານການຮັບຮອງໃນສອງສະພາຂອງລັດຖະສະພາອາເມຣິກາ,ຫຼັງຈາກນີ້ຈະມອບສົ່ງທ່ານ ໂຈ ໄບເດັນ ປະທານາທິບໍດີອາເມຣິກາເພື່ອລົງລາຍເຊັນແລະມີຜົນບັງຄັບໃຊ້.
ກົດໝາຍສະບັບດັ່ງກ່າວລວມທັງການເບີກງົບປະມານໃຫ້ແກ່ໂຄງການວິສະວະກຳສາທາລະນະຂອງລັດຖະບານອາເມຣິກາໃນປັດຈຸບັນ,ພ້ອມກັນນັ້ນເພີ່ມການລົງທຶນປະມານ 550 ຕື້ໂດລາສະຫະລັດພາຍໃນ 5 ປີ,ເພື່ອໃຊ້ເຂົ້າໃນການກໍ່ສ້າງຫົນທາງ,ຂົວແລະພື້ນຖານໂຄງລ່າງຄົມມະນາຄົມອື່ນໆ,ດັດສ້າງແລະປັບປຸງລະບົບສະໜອງນ້ຳ,ຕາໜ່າງໄຟຟ້າ,ເຄືອຂ່າຍອິນເຕີເນັດແລະອື່ນໆໃຫ້ສົມບູນຂຶ້ນ. ສະພາສູງອາເມຣິກາໄດ້ຜ່ານການຮັບຮອງກົດໝາຍສະບັບດັ່ງກ່າວໃນເດືອນສິງຫາປີນີ້.
ນອກນີ້ຕາມຫ້ອງການງົບປະມານລັດຖະສະພາອາເມຣິກາຄາດຄະເນວ່າ: ກົດໝາຍວ່າດ້ວຍການລົງທຶນໃນດ້ານພື້ນຖານໂຄງລ່າງຈະເຮັດໃຫ້ການຂາດດຸນງົບປະມານຂອງລັດຖະບານເພີ່ມຂຶ້ນປະມານ 256 ຕື້ໂດລາສະຫະລັດພາຍໃນ 10 ປີຂ້າງໜ້າ.
ຄຳເຫັນ
0