ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ທ່ານນາງເພິງລີ້ຢວນ ພັນລະຍາຂອງທ່ານສີຈິ້ນຜິງ ປະທານປະເທດຈີນ ທັງເປັນທູດພິເສດເພື່ອຊຸກຍູ້ການສຶກສາສຳລັບເດັກຍິງແລະແມ່ຍິງຂອງອົງການອຸຍເນັສໂກແຫ່ງສະຫະປະຊາຊາດ ໄດ້ໃຫ້ສຳພາດເປັນລາຍລັກອັກສອນຕໍ່ວາລະສານ“The UNESCO Courier”ຂອງອົງການອຸຍເນັສໂກແຫ່ງສະຫະປະຊາຊາດ.
ທ່ານນາງເພິງລີ້ຢວນກ່າວວ່າ: ຜ່ານການສຸມຄວາມພະຍາຍາມຢ່າງບໍ່ລົດລະ, ຈີນໄດ້ບັນລຸເປົ້າໝາຍລຶບລ້າງຄວາມທຸກຍາກເດັດຖານ, ການຫຼຸດຜ່ອນຄວາມທຸກຍາກດ້ວຍການສຶກສາແມ່ນມາດຕະການສຳຄັນທີ່ສຸດອັນໜຶ່ງ. ພວກເຮົາຄວນມີຄວາມຕັດສິນໃຈໃຫ້ຫຼາຍກວ່າເກົ່າເພື່ອຊຸກຍູ້ການສຶກສາສຳລັບເດັກຍິງແລະແມ່ຍິງຢ່າງເດັດດ່ຽວໜຽວແໜ້ນ, ພະຍາຍາມເຮັດໃຫ້ຜູ້ຍິງຫຼາຍກວ່າເກົ່າໄດ້ຮັບການສຶກສາທີ່ດີ, ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງຮອດປີ 2030 ຂອງອົງການສະຫະປະຊາຊາດ.
ທ່ານນາງເພິງລີ້ຢວນຫວັງວ່າ, ລັດຖະບານປະເທດຕ່າງໆພ້ອມທັງອົງການຈັດຕັ້ງສາກົນ ອົງການຝ່າຍພົນລະເຮືອນ ແລະບຸກຄົນໃຈບຸນນັບມື້ນັບຫຼາຍກວ່າເກົ່າຈະດຳເນີນການເຄື່ອນໄຫວຢ່າງຕັ້ງໜ້າ, ຊຸກຍູ້ໃຫ້ຜູ້ຍິງມີຄວາມສາມາດດ້ວຍການສຶກສາ, ຊຸກຍູ້ໃຫ້ການສຶກສາສຳລັບເດັກຍິງແລະແມ່ຍິງໄດ້ຮັບການພັດທະນາຫຼາຍກວ່າເກົ່າ, ແລະເພີ່ມພະລັງແຮງໃໝ່ໃຫ້ແກ່ການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດຢ່າງບໍ່ຢຸດຢັ້ງ.
ທ່ານນາງເພິງລີ້ຢວນຍັງກ່າວວ່າ: ໃນນາມເປັນທູດພິເສດເພື່ອຊຸກຍູ້ການສຶກສາສຳລັບເດັກຍິງແລະແມ່ຍິງຂອງອົງການອຸຍເນັສໂກແຫ່ງສະຫະປະຊາຊາດ, ຂ້າພະເຈົ້າຍິນດີສືບຕໍ່ປະຕິບັດໜ້າທີ່ຕາມຄວາມຮັບຜິດຊອບຂອງຕົນໃຫ້ດີ, ຮ່ວມກັບຝ່າຍຕ່າງໆພ້ອມກັນກ້າວໄປໜ້າ, ເຮັດໃຫ້ແມ່ຍິງແລະເດັກນ້ອຍຫຼາຍກວ່າເກົ່າມີຄວາມຮັກຢູ່ໃນໃຈ ມີແສງສະຫວ່າງຢູ່ໃນດວງຕາ ແລະມີກຳລັງແຮງກ້າວເດີນໄປໜ້າ.
ຄຳເຫັນ
0