ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ15ພະຈິກນີ້,ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມໃນກອງປະຊຸມຖະແຫຼງຂ່າວໂດຍກ່າວເນັ້ນວ່າ: ຈີນຈະຕັ້ງໜ້າຊຸກຍູ້ການຮ່ວມມືສາກົນເພື່ອຮັບມືກັບການປ່ຽນແປງຂອງດິນຟ້າອາກາດຕາມທີ່ເຄີຍໄດ້ເຮັດຜ່ານມາ,ຊຸກຍູ້ການຈັດຕັ້ງປະຕິບັດ “ສັນຍາປາຣີ”ຢ່າງຮອບດ້ານແລະມີປະສິດທິຜົນ,ສ້າງລະບົບຄຸ້ມຄອງດິນຟ້າອາກາດທົ່ວໂລກທີ່ທ່ຽງທຳ ສົມເຫດສົມຜົນ ແລະຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດ,ສ້າງປະຊາຄົມຮ່ວມຊາຕາກຳຂອງມວນມະນຸດ.
ຕາມຂ່າວແຈ້ງວ່າ: ວັນທີ13ພະຈິກນີ້ ກອງປະຊຸມປະເທດພາພີໃນ“ສົນທິສັນຍາຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດ”ຄັ້ງທີ26ໄດ້ກ້າວເຖິງຂັ້ນເຊັນ “ສັນຍາວ່າດ້ວຍດິນຟ້າອາກາດກລາສໂກ”,ທ່ານຈ້າວລີ້ຈ່ຽນກ່າວວ່າ,ກອງປະຊຸມຄັ້ງນີ້ໄດ້ຍຶດໝັ້ນໃນລັດທິຫຼາຍຝ່າຍ,ໄດ້ກ່າວເນັ້ນໜັກຕື່ມອີກເຖິງຫຼັກການມີຄວາມຮັບຜິດຊອບຮ່ວມກັນແຕ່ມີພັນທະຕ່າງກັນ,ໄດ້ກ້າວເຖິງຂັ້ນມີຄວາມຮັບຮູ້ທີ່ເປັນເອກະພາບກັນໃນດ້ານການຊຸກຍູ້ການນຳໃຊ້ພະລັງງານສະອາດກາກບອນຕ່ຳ ແລະອື່ນໆ, ແຕ່ຍ້ອນວ່າປະເທດທີ່ພັດທະນາແລ້ວບໍ່ໄດ້ໃຫ້ຄຳຕອບຢ່າງເຕັມສ່ວນຕໍ່ຄວາມສົນໃຈສຳຄັນຂອງປະເທດພວມພັດທະນາຄື ການສະໜອງກອງທຶນແລະເຕັກນິກເປັນຕົ້ນ,ການຮັບມືກັບການປ່ຽນແປງຂອງດິນຟ້າອາກາດຂອງໂລກຍັງຜະເຊີນກັບສິ່ງທ້າທາຍຫຼາຍຢ່າງຢູ່.
ຄຳເຫັນ
0