ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນ ໄດ້ກ່າວໃນກອງປະຊຸມຖະແຫຼງຂ່າວປະຈຳທີ່ຈັດຂຶ້ນໃນວັນທີ 17 ພະຈິກນີ້ວ່າ: “ກົດໝາຍການພົວພັນກັບໄຕ້ຫວັນ” ແລະ “ການຮັບປະກັນ 6 ຂໍ້ໃຫ້ກັບໄຕ້ຫວັນ” ຂອງອາເມຣິກາ ແມ່ນຜິດກົດໝາຍ ທັງບໍ່ມີຜົນບັງຄັບໃຊ້.
ໃນເວລາຕອບຄຳຖາມກ່ຽວກັບເນື້ອໃນທີ່ກ່ຽວຂ້ອງກັບບັນຫາໄຕ້ຫວັນໃນການພົບປະລະຫວ່າງປະມຸກລັດຈີນ-ອາເມຣິກາ, ທ່ານຈ້າວລີ້ຈ່ຽນ ກ່າວເນັ້ນໜັກວ່າ, ສິ່ງທີ່ອາເມຣິກາຄວນເຄົາລົບນັ້ນ ແມ່ນ ຫຼັກການປະເທດຈີນດຽວ ແລະ ຖະແຫຼງການຮ່ວມຈີນ-ອາເມຣິກາ 3 ສະບັບ ເຊິ່ງແມ່ນຄວາມຮັບຮູ້ທີ່ເປັນເອກະພາບກັນດ້ານການເມືອງລະຫວ່າງສອງປະເທດ ທັງແມ່ນພື້ນຖານດ້ານການເມືອງຂອງການພົວພັນສອງປະເທດ. ສ່ວນວ່າ “ກົດໝາຍການພົວພັນກັບໄຕ້ຫວັນໄຕ້” ແລະ “ການຮັບປະກັນ 6 ຂໍ້ໃຫ້ກັບໄຕ້ຫວັນ” ຂອງອາເມຣິກາ ແມ່ນຖືກປັ້ນແຕ່ງຂຶ້ນໂດຍອິດທິກຳລັງຈຳນວນໜຶ່ງພາຍໃນປະເທດອາເມຣິກາ, ລ້ວນແຕ່ຝ່າຝືນກັບຖະແຫຼງການຮ່ວມ 3 ສະບັບລະຫວ່າງຈີນ ແລະ ອາເມຣິກາ, ເຊິ່ງມີທາດແທ້ຂອງມັນກໍຄືນຳເອົາກົດໝາຍພາຍໃນປະເທດອາເມຣິກາໄວ້ຢູ່ເໜືອພັນທະສາກົນຂອງເຂົາ, ສິ່ງນີ້ແມ່ນຜິດກົດໝາຍ ທັງບໍ່ມີຜົນບັງຄັບໃຊ້.
ຄຳເຫັນ
0