ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄຽງຄູ່ກັບການພົວພັນລະຫວ່າງຈີນ-ອາຊຽນໄດ້ຍົກລະດັບຂຶ້ນຢ່າງບໍ່ຢຸດຢັ້ງ, ການພົວພັນດ້ານເສດຖະກິດການຄ້າລະຫວ່າງແຂວງໄຫຫຼຳກັບອາຊຽນກໍ່ນັບມື້ນັບແໜ້ນແຟ້ນຂຶ້ນຕື່ມ. ດ່ານພາສີນະຄອນໄຫໂຂວໄດ້ເປີດເຜີຍຕົວເລກຂໍ້ມູນໃນວັນທີ 23 ພະຈິກນີ້ໂດຍສະແດງໃຫ້ເຫັນວ່າ: ແຕ່ເດືອນມັງກອນຫາເດືອນຕຸລາປີນີ້, ມູນຄ່າການຄ້າສົ່ງອອກແລະນຳເຂົ້າຂອງແຂວງໄຫຫຼຳກັບອາຊຽນໄດ້ເພີ່ມຂຶ້ນ 3,6% ເມື່ອທຽບໃສ່ໄລຍະດຽວກັນຂອງປີກາຍ, ໃນນັ້ນ,ຈັງຫວະການເຕີບໂຕຂອງມູນຄ່າການສົ່ງອອກແລະນຳເຂົ້າຂອງແຂວງໄຫຫຼຳກັບຟີລິບປິນແລະອິນໂດເນເຊຍຕ່າງກໍ່ໄດ້ບັນລຸເຖິງ 70,5% ແລະ 42,7% ຕາມລຳດັບ.
ໃນ 10 ເດືອນຕົ້ນປີນີ້, ການສົ່ງອອກແລະນຳເຂົ້າຂອງແຂວງໄຫຫຼຳກັບອິນໂດເນເຊຍມີມູນຄ່າເຖິງ 3,87 ຕື້ຢວນ, ກວມ 20,3% ຂອງຍອດມູນຄ່າການຄ້າສອງຝ່າຍລະຫວ່າງໄຫຫຼຳກັບອາຊຽນເມື່ອທຽບໃສ່ໄລຍະດຽວກັນຂອງປີກາຍ; ການສົ່ງອອກແລະນຳເຂົ້າກັບຟີລິບປິນມີມູນຄ່າເຖິງ 2,23 ຕື້ຢວນ,ກວມ 11,7%.
ຜູ້ຮັບຜິດຊອບທີ່ກ່ຽວຂ້ອງຂອງດ່ານພາສີນະຄອນໄຫໂຂວກ່າວວ່າ: ຈະສືບຕໍ່ສະໜັບສະໜູນວິສາຫະກິດຂອງແຂວງໄຫຫຼຳດຳເນີນການຄ້າສົ່ງອອກແລະນຳເຂົ້າກັບປະເທດອາຊຽນດ້ວຍການບໍລິການທີ່ດີກວ່າເກົ່າ, ຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງແຂວງໄຫຫຼຳຈີນກັບປະເທດອາຊຽນໃຫ້ກ້າວສູ່ລະດັບທີ່ສູງກວ່າເກົ່າແລະຂົງເຂດທີ່ກວ້າງຂວາງກວ່າເກົ່າ.
ຄຳເຫັນ
0