ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 26 ພະຈິກນີ້, ທ່ານອູເຜິງ ຫົວໜ້າກົມອາຟຣິກາກະຊວງການຕ່າງປະເທດຈີນໄດ້ແນະນຳການຮ່ວມມືລະຫວ່າງຈີນແລະອາຟຣິກາ ໂດຍກ່າວວ່າ: ເສດຖະກິດດີຈີຕອນໄດ້ກາຍເປັນຈຸດເດັ່ນໃໝ່ໃນການຮ່ວມມືຈີນ-ອາຟຣິກາ.
ທ່ານອູເຜິງກ່າວວ່າ: ໃນຫຼາຍປີມໍ່ໆມານີ້, ຈີນໄດ້ເລັ່ງການພັດທະນາຊຸກຍູ້ການຮ່ວມມືດ້ານເສດຖະກິດດີຈີຕອນຈີນ-ອາຟຣິກາ ແລະ ໄດ້ຊ່ວຍອາຟຣິກາສ້າງພື້ນຖານໂຄງລ່າງເສດຖະກິດດີຈີຕອນຫຼາຍສົມຄວນ, ສູນດີຈີຕອນຫຼາຍແຫ່ງ ແລະຕົວເມືອງອັດສະລິຍະ. ນອກນີ້, ອັດຕາປະຊາກອນຊາວໜຸ່ມ, ອັດຕາໃຊ້ອິນເຕີເນັດ ແລະ ອັດຕາໃຊ້ມືຖືຢູ່ອາຟຣິກາກໍສູງສົມຄວນໃນໂລກ ເຊິ່ງກໍແມ່ນທ່າແຮງຢ່າງໜຶ່ງໃນການພັດທະນາເສດຖະກິດດີຈີຕອນ.
ປັດຈຸບັນ, ຫຼາຍຮູບການໃໝ່ ເຊັ່ນ: ລະບົບຈ່າຍເງິນເຄື່ອນທີ່, ເງິນຕາດີຈີຕອນ ແລະ ອື່ນໆ ໄດ້ພັດທະນາຢູ່ອາຟຣິກາ. ທ່ານອູເຜິງສະຫຼຸບວ່າ: “ສະນັ້ນ, ອາຟຣິກາເປັນແຜ່ນດິນໃຫຍ່ທີ່ເຕັມໄປດ້ວຍຄວາມຫວັງ ເຊິ່ງມີຄວາມສາມາດບົ່ມຊ້ອນດ້ານການພັດທະນາແບບກ້າວກະໂດດຂັ້ນ ແລະ ແຊງການພັດທະນາໃນຂົງເຂດໃໝ່.”
ຄຳເຫັນ
0