ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ພະຈິກນີ້, ສະຖາບັນຄົ້ນຄວ້າພະຍາດຕິດແປດແຫ່ງຊາດອາຟຣິກາໃຕ້ຫຼື NICD ໄດ້ອອກຖະແຫຼງການວ່າ: ປັດຈຸບັນໄດ້ກວດພົບເຊື້ອພະຍາດໂຄວິດ-19 ສາຍພັນໃໝ່ B.1.1.529 ຢູ່ອາຟຣິກາໃຕ້. ໂດຍຜ່ານການກວດກາເຊື້ອສືບພັນຈາກ NICD ແລະຜ່ານການກວດກາສ່ວນຕົວຈາກຫ້ອງທົດລອງສ່ວນຕົວແລ້ວ, ປັດຈຸບັນໄດ້ກວດພົບເຊື້ອພະຍາດສາຍພັນດັ່ງກ່າວໃນຄົນເຈັບ 22 ຄົນທີ່ຖືກບົ່ງມະຕິເປັນພະຍາດໂຄວິດ-19.
NICD ກ່າວເຕືອນວ່າ: ຜູ້ຖືກບົ່ງມະຕິເປັນພະຍາດໂຄວິດ-19 ຍ້ອນເຊື້ອພະຍາດສາຍພັນໃໝ່ແລະຜູ້ມີຜົນກວດນິວຄະເລອິກຫາເຊື້ອໄວຣັດໂຄວິດ-19ເປັນຜົນບວກລ້ວນແຕ່ໄດ້ເພີ່ມຂຶ້ນຢ່າງວ່ອງໄວ, ຜູ້ຊ່ຽວຊານກ່າວວ່າ: ເຊື້ອພະຍາດໂຄວິດ-19 ສາຍພັນໃໝ່ໄດ້ເຮັດໃຫ້ອາຟຣິກາໃຕ້ເອົາໃຈໃສ່ນຳຢ່າງສູງ, ຍ້ອນເປັນຫ່ວງວ່າເຊື້ອພະຍາດສາຍພັນດັ່ງກ່າວມີການກາຍພັນໃໝ່ຫຼາຍຢ່າງ.
ວັນທີ 26 ພະຈິກນີ້ຕາມເວລາທ້ອງຖິ່ນ, NICD ໄດ້ຈັດກອງປະຊຸມດ່ວນກັບອົງການອະນາໄມໂລກກ່ຽວກັບເລື່ອງນີ້.
ຄຳເຫັນ
0