ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້, ທ່ານໂທມັສ໌ ບັກ ປະທານຄະນະກຳມະການໂອລິມປິກສາກົນໄດ້ສົ່ງຈົດໝາຍໄປຍັງທ່ານເຊີ້ນຫາຍຊົງ ຜູ້ອຳນວຍການໃຫຍ່ທັງເປັນຫົວໜ້າບັນນາທິການສະຖານີວິທະຍຸໂທລະພາບສູນກາງຈີນ ຫຼື CMG, ໃນຈົດໝາຍ, ທ່ານໄດ້ຍ້ອງຍໍຊ່ອງໂອລິມປິກຂອງ CCTV ທີ່ຂຶ້ນກັບ CMG ວ່າໄດ້ປະສົບຜົນສຳເລັດອັນໃຫຍ່ຫຼວງ, ທ່ານສະແດງຄວາມຂອບໃຈນຳ CMG ທີ່ໄດ້ສຸມຄວາມພະຍາຍາມເພື່ອສົ່ງເສີມນ້ຳໃຈໂອລິມປິກ.
ໃນຈົດໝາຍຂອງທ່ານບັກ ໄດ້ລະບຸວ່າ: ທ່ານດີໃຈທີ່ສຸດທີ່ໄດ້ຊາບວ່າ, ຊ່ອງໂອລິມປິກຂອງ CMG ໄດ້ຮັບຄວາມສົນໃຈຢ່າງກວ້າງຂວາງຈາກຜູ້ຊົມຊາວຈີນ, ແລະປະສົບຜົນສຳເລັດອັນໃຫຍ່ຫຼວງ. CMG ໄດ້ເປີດຊ່ອງໂອລິມປິກກ່ອນເວລາຈັດງານກິລາໂອລິມປິກລະດູໜາວປັກກິ່ງປີ 2022, ໄດ້ສຸມຄວາມພະຍາຍາມໃນຫຼາຍດ້ານເພື່ອສົ່ງເສີມນ້ຳໃຈໂອລິມປິກ, ກ່ຽວກັບເລື່ອງນີ້, ທ່ານໄດ້ສະແດງຄວາມຂອບໃຈຢ່າງຈິງໃຈ. ຫຼັງຈາກໄດ້ຊາບວ່າ, CMG ກຳລັງວາງແຜນຈັດກິດຈະກຳຕ່າງໆ ຮ່ວມກັບຄະນະກຳມະການຈັດງານກິລາໂອລິມປິກລະດູໜາວປັກກິ່ງແລະຄະນະກຳມະການໂອລິມປິກຈີນ, ເພື່ອສ້າງບັນຍາກາດໃຫ້ກັບງານກິລາໂອລິມປິກລະດູໜາວປັກກິ່ງທີ່ຈະຈັດຂຶ້ນໃນໄວໆນີ້, ຄະນະກຳມະການໂອລິມປິກສາກົນມີຄວາມຍິນດີແລະຈະໃຫ້ການສະໜັບສະໜູນຢ່າງຕັ້ງໜ້າກ່ຽວກັບເລື່ອງນີ້.
ຄຳເຫັນ
0