ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ທັນວາຂອງທຸກປີ ແມ່ນ “ວັນຕ້ານການສໍ້ລາດບັງຫຼວງສາກົນ”. ວັນທີ 9 ທັນວານີ້, ໃນເວລາແນະນຳກ່ຽວກັບສະພາບການຮ່ວມມືຂອງຈີນກັບສາກົນເພື່ອຕ້ານການສໍ້ລາດບັງຫຼວງ ໃນກອງປະຊຸມຂ່າວປະຈຳ, ທ່ານວ່າງເວີນປິ່ນ, ໂຄສົກກະຊວງການຕ່າງປະເທດຈີນກ່າວວ່າ,ສູນກາງພັກກອມມູນິດຈີນທີ່ຖືສະຫາຍສີຈິ້ນຜິງເປັນແກນນຳນັ້ນ ໄດ້ນຳເອົາການຄຸ້ມຄອງພັກຢ່າງເຂັ້ມງວດຮອບດ້ານເຂົ້າໃນແຜນຍຸດທະສາດຂອງຕົນ ເຊິ່ງໄດ້ຮັບການຍ້ອງຍໍຊົມເຊີຍຢ່າງຈິງໃຈຈາກປະຊາຊົນຈີນ ແລະ ຈາກປະຊາຄົມໂລກ. ຜົນການຢັ່ງຫາງສຽງທີ່ຈັດຂຶ້ນໃນປີ 2020 ໂດຍອົງການສະຖິຕິແຫ່ງຊາດຈີນ ສະແດງໃຫ້ເຫັນວ່າ, ປະຊາຊົນຈີນ 95,8% ມີຄວາມເພິ່ງພໍໃຈຕໍ່ວຽກງານຕ້ານການສໍ້ລາດບັງຫຼວງ.
ທ່ານວ່າງເວີນປິ່ນກ່າວວ່າ, ລັດຖະບານຈີນໄດ້ຍຶດໝັ້ນໃຫ້ຫຼັກການລົງໂທດການສໍ້ລາດບັງຫຼວງດ້ວຍທ່າທີທີ່ບໍ່ປານີປານອມແລະເດັດຂາດ, ເດັດດ່ຽວດຳເນີນການໄລ່ຈັບຜູ້ຕ້ອງຫາສໍ້ລາດບັງຫຼວງພ້ອມດ້ວຍສິນບົນທີ່ໜີໄປຢູ່ຕ່າງປະເທດ, ແລະລົງໂທດຕາມກົດໝາຍ. ໃນຂະບວນການໄລ່ຈັບຜູ້ຕ້ອງຫາ, ອົງການປະຕິບັດກົດໝາຍຂອງຈີນ ໄດ້ເຄົາລົບກົດລະບຽບສາກົນຢ່າງເຂັ້ມງວດ, ເຄົາລົບອະທິປະໄຕດ້ານກົດໝາຍຂອງປະເທດອື່ນຢ່າງເຕັມສ່ວນ, ໄດ້ຍື່ນຄຳຮ້ອງຂໍໂຕ ແລະ ດຳເນີນການຮ່ວມື ໂດຍອີງຕາມສົນທິສັນຍາຫຼາຍຝ່າຍແລະຂໍ້ຕົກລົງສອງຝ່າຍ, ຮັບປະກັນສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງຜູ້ຕ້ອງຫາ, ທັງໝົດເຫຼົ່ານີ້, ໄດ້ຮັບການສະໜັບສະໜູນຢ່າງກວ້າງຂວາງຈາກປະຊາຄົມໂລກ.
ຄຳເຫັນ
0