ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ16ທັນວານີ້,ໃນກອງປະຊຸມຂ່າວປະຈຳທີ່ຈັດຂຶ້ນໂດຍກະຊວງການຄ້າຈີນ,ທ່ານນາງ ຊູ້ເຈວທີງ ໂຄສົກກະຊວງດັ່ງກ່າວກ່າວວ່າ: ຄາດຄະເນວ່າ ໂຄງປະກອບດ້ານການຄ້າຂາເຂົ້າຂາອອກຂອງຈີນໝົດປີນີ້ຈະດີຂຶ້ນຕື່ມອີກ, ຖານະຂອງປະເທດຈີນທີ່ເປັນປະເທດໃຫຍ່ດ້ານການຄ້າ ກໍ່ຈະໝັ້ນຄົງກວ່າເກົ່າ.
ທ່ານນາງ ຊູ້ເຈວທີງ ໄດ້ວິເຄາະວ່າ: ໃນ6ເດືອນທ້າຍປີນີ້ ການຄ້າຂອງຈີນກັບຕ່າງປະເທດໄດ້ເພີ່ມຂຶ້ນອ່າວໄວ,ຕົ້ນຕໍມີສາເຫດສາມດ້ານ ຄື: ໜຶ່ງແມ່ນເສດຖະກິດໂລກຍັງສາມາດຮັກສາທ່ວງທ່າຟື້ນຄືນໄດ້ດີ,ຄວາມຕ້ອງການຈາກຕ່າງປະເທດຄ່ອຍໆເພີ່ມຂຶ້ນ,ກອງປະຊຸມການຄ້າແລະການພັດທະນາຂອງອົງການສະຫະປະຊາຊາດໄດ້ຄາດຄະເນວ່າ: ການສົ່ງອອກດ້ານການຄ້າສິນຄ້າທີ່ຈັບຕ້ອງໄດ້ຂອງທົ່ວໂລກໃນປີນີ້ຈະເພີ່ມຂຶ້ນ22,4%. ສອງແມ່ນພາຍໃຕ້ຜົນກະທົບຫຼາຍຄັ້ງຈາກສະພາບພະຍາດໂຄວິດ-19, ການສະໜອງແລະຄວາມຕ້ອງການໃນທົ່ວໂລກຍັງບໍ່ສົມດຸນກັນຄືເກົ່າ,ຈີນຈິ່ງໄດ້ສືບຕໍ່ຕອບສະໜອງຄວາມຕ້ອງການຂອງຕະຫຼາດສາກົນແລະຜູ້ບໍລິໂພກໂດຍອາໄສຂະແໜງການຜະລິດທີ່ເປັນລະບົບທີ່ຄົບຊຸດ. ສາມແມ່ນສິນຄ້າງວດໃຫຍ່ໄດ້ຂຶ້ນລາຄາ,ເຊິ່ງສົ່ງຜົນດີຕໍ່ການເພີ່ມຂຶ້ນຂອງການສົ່ງອອກສິນຄ້າ.
ຄຳເຫັນ
0