ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວປະຈຳຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ16ທັນວານີ້,ມີນັກຂ່າວຕັ້ງຄຳຖາມຕໍ່ທ່ານວ່າງເວີນປີ່ນ ໂຄສົກກະຊວງການຕ່າງປະເທດຈີນ ກ່ຽວກັບມີຂ່າວທີ່ວ່າ ເຈົ້າໜ້າທີ່ທາງການທູດຂອງລິດທົວນີປະຈຳຈີນໄດ້ເດີນທາງອອກຈາກປະເທດຈີນແລ້ວ.
ຕໍ່ເລື່ອງນີ້ ທ່ານວ່າງເວີນປີ່ນກ່າວວ່າ: ໂດຍແນໃສ່ການກະທຳອັນຜິດພາດຂອງລິດທົວນີທີ່ໄດ້ລະເມີດຄຳໝັ້ນສັນຍາທາງການເມືອງຂອງຕົນທີ່ມີຕໍ່ຖະແຫຼງການຮ່ວມໃນເວລາສ້າງຕັ້ງສາຍພົວພັນທາງການທູດ ແລະປັ້ນແຕ່ງ“ປະເທດຈີນໜຶ່ງໄຕ້ຫວັນໜຶ່ງໃນໂລກ”ຢ່າງບັງອາດ,ຈີນໄດ້ປະກາດຫຼຸດລະດັບສາຍພົວພັນທາງການທູດລະຫວ່າງສອງປະເທດໃຫ້ຢູ່ໃນລະດັບອຸປະທູດ, ທັງໄດ້ແຈ້ງໃຫ້ຝ່າຍລິດທົວນີຊາບຢ່າງເປັນທາງການແລ້ວ,ໂດຍຕົກລົງປ່ຽນຊື່ຂອງອົງການຜູ້ຕາງໜ້າທາງການທູດຂອງຈີນປະຈຳລິດທົວນີ ເປັນສຳນັກງານອຸປະທູດຂອງສປຈີນປະຈຳສ. ລິດທົວນີ,ແລະຮຽກຮ້ອງໃຫ້ຝ່າຍລິດທົວນີປ່ຽນຊື່ຂອງອົງການຜູ້ຕາງໜ້າທາງການທູດຂອງປະເທດຕົນປະຈຳຢູ່ສປຈີນເຊັ່ນດຽວກັນ.
ທ່ານວ່າງເວີນປີ່ນກ່າວເນັ້ນຕື່ມວ່າ: ການພົວພັນຈີນ-ລິດທົວນີໄດ້ຮັບຜົນກະທົບຮ້າຍແຮງ ແມ່ນຍ້ອນສາເຫດຫຍັງກັນແທ້ ມັນຊັດເຈນທີ່ສຸດແລ້ວ. ຖ້າວ່າລິດທົວນີປະຕິເສດຄວາມຈິງທີ່ຜະເຊີນຢູ່,ບໍ່ສຳຫຼວດຕົນເອງຄືນແລະແກ້ໄຂຄວາມຜິດ,ພະຍາຍາມລົບຫຼີກຄວາມຮັບຜິດຊອບຂອງຕົນໂດຍອາໄສການປ່າວຂ່າວປອມ,ຈະສ້າງຜົນກະທົບອັນໃຫຍ່ຫຼວງໃຫ້ແກ່ການພົວພັນລະຫວ່າງສອງປະເທດຕື່ມອີກ,ສືບຕໍ່ທຳລາຍຄວາມຮູ້ສຶກຂອງປະຊາຊົນສອງຊາດຫຼາຍກວ່າເກົ່າ,ໃນທີ່ສຸດ ຝ່າຍທີ່ໄດ້ຮັບຜົນຮ້າຍຫຼາຍກວ່າໝູ່ ຈະເປັນລິດທົວນີເອງ.
ຄຳເຫັນ
0