ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ທັນວານີ້, ພິທີເປີດກິດຈະກຳຂາຍເຄື່ອງເພື່ອການກຸສົນສາກົນທີ່ມີຫົວຂໍ້ວ່າ“ຄວາມຮັກແພງທີ່ໄຮ້ພົມແດນ——ຊ່ວຍສ້າງຊົນນະບົດໃຫ້ຈະເລີນ, ເອົາໃຈໃສ່ນຳສຸຂະພາບກັນກ່ອນ”ໄດ້ຈັດຂຶ້ນຢູ່ທີ່ນະຄອນຫຼວງປັກກິ່ງຂອງຈີນ. ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນພ້ອມດ້ວຍທ່ານນາງຊຽນເຫວີຍ ພັນລະຍາຂອງເພິ່ນ ແລະຜູ້ຕາງໜ້າຈາກສະຖານທູດປະເທດຕ່າງໆປະຈຳຈີນ ສຳນັກງານອົງການຈັດຕັ້ງສາກົນປະຈຳຈີນ ວິສາຫະກິດທີ່ກ່ຽວຂ້ອງລວມທັງໝົດ 160 ກວ່າທ່ານໄດ້ເຂົ້າຮ່ວມພິທີດັ່ງກ່າວໂດຍຜ່ານທາງອອນລາຍແລະອອຟລາຍ.
ບັນດາແຂກຜູ້ມີກຽດໄດ້ຮ່ວມກັນເປັນສັກຂີພິຍານການເປີດກິດຈະກຳຂາຍເຄື່ອງເພື່ອການກຸສົນຜ່ານທາງອອນລາຍຢ່າງເປັນທາງການ. ກິດຈະກຳຂາຍເຄື່ອງເພື່ອການກຸສົນຄັ້ງນີ້ໄດ້ສ້າງເວັບໄຊສະເພາະເພື່ອຊ່ວຍເຫຼືອຊົນນະບົດດ້ວຍການບໍລິໂພກ, ຈະດຳເນີນໄປເປັນເວລາ 1 ອາທິດ. ໃນຕອນຄ່ຳມື້ດຽວກັນ, ທູຕານຸທູດຕ່າງປະເທດປະຈຳຈີນ ຜູ້ຕາງໜ້າອົງການຈັດຕັ້ງສາກົນປະຈຳຈີນຈຳນວນໜຶ່ງພ້ອມດ້ວຍຜູ້ຕາງໜ້າຈາກເມືອງຕ່າງໆທີ່ໄດ້ຮັບການຊ່ວຍເຫຼືອແລະການສະໜັບສະໜູນຈາກກະຊວງການຕ່າງປະເທດຈີນໂດຍສະເພາະຈະເຂົ້າສູ່ຫ້ອງຖ່າຍທອດສົດຂອງສະຖານີວິທະຍຸໂທລະພາບສູນກາງຈີນຫຼື CMG , ເພື່ອແນະນຳວັດທະນະທຳແລະສິນຄ້າທີ່ຂາຍເພື່ອການກຸສົນຂອງປະເທດຕົນ.
ຄຳເຫັນ
0