ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ຢູ່ນະຄອນຫຼວງໂຣມປະເທດອີຕາລີ, ທ່ານເຊກິໂອ ມາຕາເຣລາ ປະທານາທິບໍດີອີຕາລີໄດ້ຕ້ອນຮັບຄະນະຜູ້ແທນນັກກິລາອີຕາລີທີ່ຈະເດີນທາງໄປເຂົ້າຮ່ວມງານກິລາໂອລິມປິກລະດູໜາວ ແລະ ງານກິລາໂອລິມປິກຄົນພິການລະດູໜາວປັກກິ່ງ, ທັງໄດ້ສົ່ງພອນໄຊອັນປະເສີດຕໍ່ຄະນະຜູ້ແທນດັ່ງກ່າວ.
ຂ່າວລາຍງານວ່າ, ໃນມື້ນັ້ນ, ຢູ່ທຳນຽບປະທານາທິບໍດີໄດ້ຈັດພິທີມອບທຸງໃຫ້ຄະນະຜູ້ແທນໂອລິມປິກລະດູໜາວອີຕາລີ. ທ່ານເຊກິໂອ ມາຕາເຣລາໄດ້ຍ້ອງຍໍ ນັກກິລາ, ຄູເຝິກ, ພະນັກງານການແພດ ແລະ ພະນັກງານອີຕາລີອື່ນໆຂອງອີຕາລີທີ່ມີຈິດໃຈມືອາຊີບ ແລະ ຄວາມກະຕືລືລົ້ນຕໍ່ງານກິລາໂອລິມປິກ ແລະ ງານກິລາໂອລິມປິກຄົນພິການ, ຫວັງວ່ານັກກິລາອີຕາລີ ຈະສ້າງຜົນງານດີເດັ່ນ, ແລະສະແດງໃຫ້ເຫັນເຖິງນ້ຳໃຈການແຂ່ງຂັນກິລາ.
ອີຕາລີແມ່ນປະເທດເຈົ້າພາບທີ່ຈະຈັດງານກິລາໂອລິມປິກລະດູໜາວຄັ້ງຕໍ່ໄປ ຖັດຈາກປະເທດຈີນ. ເດືອນມິຖຸນາປີ 2019, ໃນກອງປະຊຸມຄົບຄະນະຄັ້ງທີ 134 ຂອງຄະນະກຳມະການໂອລິມປິກສາກົນ, ອີຕາລີໄດ້ຮັບສິດເປັນເຈົ້າພາບຈັດງານກິລາໂອລິມປິກລະດູໜາວປີ 2026.
ຄຳເຫັນ
0