ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານຊາບາສ ການ, ຜູ້ຕາງໜ້າອົງການອຸຍເນັສໂກປະຈຳຈີນກ່າວວ່າ, ຜົນສຳເລັດອັນໃຫຍ່ຫຼວງຂອງຈີນໃນການອະນຸລັກມໍລະດົກວັດທະນະທຳ ແລະ ທຳມະຊາດຂອງໂລກ, ໄດ້ປະກອບສ່ວນຢ່າງຕັ້ງໜ້າເພື່ອສັນຕິພາບ ແລະ ການພັດທະນາຖາວອນຂອງໂລກ, ຫວັງວ່າບົດຮຽນຂອງຈີນຈະສາມາດແບ່ງປັນໃຫ້ກັບປະເທດອື່ນໆໂດຍຜ່ານຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”.
ປີ 2021, “ເມືອງຊວນໂຈ່: ສູນການຄ້າທາງທະເລຂອງໂລກໃນສະໄໝລາຊະວົງຊົ້ງ ແລະ ລາຊະວົງຢວນຂອງຈີນ” ທີ່ເປັນໂຄງການມໍລະດົກວັດທະນະທຳທີ່ຈີນສະເໜີໄດ້ເປັນມໍລະດົກໂລກ, ນັບມາຮອດປະຈຸບັນ, ຈຳນວນມໍລະດົກໂລກຢູ່ພາຍໃນຈີນມີເຖິງ 56 ແຫ່ງ, ຈີນໄດ້ກາຍເປັນໜຶ່ງໃນປະເທດທີ່ມີມໍລະດົກດ້ານວັດທະນະທຳ ແລະ ທຳມະຊາດໂລກຫຼາຍທີ່ສຸດ. ທ່ານຊາບາສ ການ ຜູ້ຕາງໜ້າອົງການອຸຍເນັສໂກປະຈຳຈີນເຫັນວ່າ, ຈີນບໍ່ພຽງແຕ່ມີມໍລະດົກທຳມະຊາດທີ່ອຸດົມສົມບູນເທົ່ານັ້ນ, ເຕັກນິກວິຊາການ ຜູ້ຊ່ຽວຊານ ແລະ ບົດຮຽນທີ່ສຳເລັດຜົນໃນຂົງເຂດທີ່ກ່ຽວຂ້ອງຍັງໄດ້ປະກອບສ່ວນທີ່ສຳຄັນເຂົ້າໃນການອະນຸລັກມໍລະດົກຂອງປະເທດອື່ນໆ.
ທ່ານຊາບາສ ການເຫັນວ່າ, ລັດຖະບານຈີນໄດ້ຈັດເອົາການສ້າງຄວາມສິວິໄລດ້ານນິເວດໄວ້ໃນຖານະພົ້ນເດັ່ນໃນແຜນວຽກງານລວມຂອງຊາດ. ຈີນໄດ້ສ້າງຫ້ອງທົດລອງຈຸດສຸມກ່ຽວກັບສິ່ງແວດລ້ອມນິເວດລະດັບຊາດ 30 ແຫ່ງ, ສະຖານີສຳຫຼວດວິທະຍາສາດກາງປ່າລະດັບຊາດ 167 ແຫ່ງ. ເສີມສ້າງກຳລັງວິທະຍາສາດເຕັກນິກທາງຍຸດທະສາດໃນການປົກປ້ອງ ແລະຄົ້ນຄວ້າຄວາມຫຼາກຫຼາຍຂອງຊີວະນານາພັນເທື່ອລະກ້າວ, ຈີນໄດ້ຕັ້ງໜ້າດຳເນີນການຮ່ວມມືກັບອົງການອຸຍເນັສໂກໃນການປົກປ້ອງຄວາມຫຼາກຫຼາຍຂອງຊີວະນານາພັນ, ຊຸກຍູ້ການພັດທະນາແບບຍືນຍົງຂອງມວນມະນຸດ.
ຄຳເຫັນ
0