ຫ້ອງການໂຄງການການບິນອາວະກາດບັນທຸກຄົນຂອງຈີນໄດ້ລາຍງານໃຫ້ຊາບວ່າGເວລາສູນໂມງ 55 ນາທີຂອງວັນທີ 27 ທັນວາປີ 2021 ຕາມເວລາປັກກິ່ງ,ຜ່ານເວລາປະມານ 6 ຊົ່ວໂມງ,ຈຸນັກບິນອາວະກາດ ເຊີນໂຈ່ວ-13ໄດ້ສຳເລັດໜ້າທີ່ທີ່ກຳນົດໄວ້ທັງໝົດໃນການອອກໄປເຄື່ອນໄຫວ ນອກສະຖານີອາວະກາດຄັ້ງທີ 2 ໄດ້ຢ່າງຈົບງາມ,ໂດຍນັກບິນອາວະກາດ ຈາຍຈື້ກ່າງແລະນັກບິນອາວະກາດເຢ້ກວ່າງຟູ້ໄດ້ກັບຄືນສູ່ຫ້ອງແກນກາງຫຼືcore moduleຢ່າງປອດໄພ,ການອອກໄປເຄື່ອນໄຫວນອກສະຖານີອາວະກາດໄດ້ສຳ　ເລັດຜົນຢ່າງຈົບງາມ.

ເທື່ອນີ້ແມ່ນເທື່ອທີ 4 ທີ່ນັກບິນອາວະກາດຈີນໄດ້ອອກນອກຫ້ອງcore moduleໄປເຄື່ອນໄຫວນອກສະຖານີອາວະກາດໃນໄລຍະຢູ່ເທິງສະຖານີອາວະກາດ.ໃນໄລຍະເຄື່ອນໄຫວຢູ່ນອກສະຖານີອາວະກາດ,ໄດ້ເຮັດສຳເລັດການຍົກ　ກ້ອງຖ່າຍຮູບປະໂນຣາມາພ້ອມດ້ວຍການກວດສອບປະສິດທິພາບການປະຕິບັດ　ງານທີ່ກ່ຽວຂ້ອງ,ການກວດສອບການຍົກຍ້າຍເຄື່ອງຂອງແລະໜ້າທີ່ອື່ນໆ,ພ້ອມ　ທັງໄດ້ກວດສອບສະມັດຖະພາບຂອງປະຕູທີ່ອັດດ້ວຍຄວາມດັນໃນຫ້ອງcore module ຊຸດນັກບິນອາວະກາດນອກຫ້ອງcore moduleແລະແຂນກົນຈັກ　ຕື່ມອີກ,ໄດ້ທົດສອບເຕັກນິກທີ່ກ່ຽວຂ້ອງກັບການເຄື່ອນໄຫວຢຢູ່ນອກສະຖານີອາ　ວະກາດ ຄວາມສາມາດການປະ ສານສົມທົບກັນລະຫວ່າງນັກບິນອາວະກາດຢູ່　ດ້ານໃນແລະນອກສະຖານີອາວະກາດພ້ອມດ້ວຍຄວາມສາມາດການປະສານສົມທົບກັນລະຫວ່າງພາກສ່ວນຢູ່ເທິງອາວະກາດແລະພາກສ່ວນຢູ່ໜ້າດິນ, ເຊິ່ງໄດ້ສະສົມບົດຮຽນໃຫ້ແກ່ການເຄື່ອນໄຫວຢູ່ນອກສະຖານີອາວະກາດຕາມຫຼັງຕື່ມອີກ.