ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມວຽກງານຊົນນະບົດຂັ້ນສູນກາງຂອງຈີນທີ່ໄດ້ຈັດຂຶ້ນໃນຫວ່າງບໍ່ດົນມານີ້ ໂດຍໄດ້ວາງແຜນລະອຽດກ່ຽວກັບການຈັດຕັ້ງປະຕິບັດວຽກງານຊົນນະບົດກະສິກຳ ແລະຊາວກະສິກອນໃຫ້ດີໃນປີ 2022. ໃນກອງປະຊຸມໄດ້ກ່າວເນັ້ນວ່າ, ຍາມໃດຊາວຈີນກໍຕ້ອງກຳແໜ້ນຖ້ວຍເຂົ້າຂອງຕົນໄວ້ໃນກຳມືໃຫ້ດີ, ແລະໃນຖ້ວຍເຂົ້ານັ້ນກໍ່ຕ້ອງມີສະບຽງອາຫານຂອງຈີນເອງເປັນຫຼັກ. ທ່ານຖາງເຢີນຈ້ຽນ ລັດຖະມົນຕີກະຊວງກະສິກຳ ແລະ ຊົນນະບົດຈີນກ່າວວ່າ, ກ່ອນອື່ນໝົດ ຕ້ອງຮັບປະກັນເນື້ອທີ່ປູກຝັງດ້ານສະບຽງອາຫານໃຫ້ມີຄວາມໝັ້ນທ່ຽງໂດຍພື້ນຖານ, ຮັກສາແນວພັນ ແລະ ດິນປູກຟັງທີ່ເປັນຂອດສຳຄັນ, ລົງເລິກການປະຕິບັດແຜນດຳເນີນງານໃນການພັດທະນາອຸດສາຫະກຳແນວພັນ, ຮັບປະກັນໃຫ້ເນື້ອທີ່ປູກຝັງດ້ານສະບຽງອາຫານມີມາດຕະຖານສູງໃນກໍລະນີທີ່ເກີດໄພແຫ້ງແລ້ງ ແລະ ໄພນ້ຳຖ້ວມກໍ່ສາມາດຮັບປະກັນດ້ານຜົນຜະລິດ.
ຂໍ້ມູນຂອງອົງການສະຖິຕິແຫ່ງຊາດຈີນສະແດງໃຫ້ເຫັນວ່າ, ປີ 2021 ຍອດປະລິມານຜົນຜະລິດສະບຽງອາຫານຂອງທົ່ວປະເທດຈີນຫຼາຍກວ່າ 682ລ້ານໂຕນ, ເພີ່ມຂຶ້ນ2%ເມື່ອທຽບໃສ່ໄລຍະດຽວກັນຂອງປີ 2020, ເຊິ່ງແມ່ນຍອດປະລິມານຜົນຜະລິດສະບຽງອາຫານ ຂອງຈີນທີ່ສາມາດຮັກສາໃຫ້ຢູ່ໃນລະດັບຫຼາຍກວ່າ 650ລ້ານໂຕນຕໍ່ປີເປັນເວລາ 7 ປີລຽນຕິດ. ເຖິງວ່າໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ໄພທຳມະຊາດຢູ່ບາງທ້ອງຖິ່ນ ແລະ ປັດໄຈອື່ນໆ, ຕະຫຼາດສະບຽງອາຫານພາຍໃນປະເທດຈີນກໍ່ສາມາດສະໜອງໄດ້ຢ່າງພຽງພໍ ແລະ ຈໍລະຈອນໄດ້ຢ່າງໝັ້ນທ່ຽງ.
ໃນດ້ານການເພີ່ມລາຍຮັບໃຫ້ກັບຊາວກະສິກອນ, ຈີນຈະຜ່ານຊ່ອງທາງຕ່າງໆ, ເຊັ່ນ: ການພັດທະນາອຸດສາຫະກຳ, ແລະ ການສ້າງທຸລະກິດໃໝ່ ແລະອື່ນໆເພື່ອຊຸກຍູ້ການເພີ່ມລາຍຮັບໃຫ້ກັບຊາວກະສິກອນ, ຮັບປະກັນໃຫ້ຊາວກະສິກອນຜູ້ປູກຝັງດ້ານສະບຽງອາຫານມີລາຍຮັບຢ່າງສົມເຫດສົມຜົນ, ເຮັດໃຫ້ເຂົາເຈົ້າບໍ່ເສຍປຽບ ແລະ ມີກຳໄລ, ຄາດວ່າ ລາຍຮັບສະເລ່ຍຕໍ່ຫົວຄົນຂອງຊາວກະສິກອນຈີນ ໃນປີ 2021 ຈະມີຫຼາຍກວ່າ 18000 ຢວນ.
ຄຳເຫັນ
0