ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງບໍ່ດົນມານີ້, ຈີນ ແລະ ອັຟການິສະຖານໄດ້ຈັດກອງປະຊຸມກົນໄກພົວພັນດ້ານການຊ່ວຍເຫຼືອມະນຸດສະທຳ ແລະ ການສ້າງສາເສດຖະກິດຄືນໃໝ່ຄັ້ງທຳອິດ. ວັນທີ 31 ທັນວາປີ 2021 ຜ່ານມາ, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ, ສອງຝ່າຍໄດ້ແລກປ່ຽນຄວາມຄິດເຫັນກ່ຽວກັບສະພາບການມະນຸດສະທຳ, ການສ້າງສາເສດຖະກິດຄືນໃໝ່ ແລະ ບັນຫາອື່ນໆທີ່ອັຟການິສະຖານພວມປະເຊີນໜ້າຢູ່ໃນປະຈຸບັນ, ສະຫຼຸບຄວາມຄືບໜ້າໃນການຊ່ວຍເຫຼືອດ້ານມະນຸດສະທຳຂອງຈີນຕໍ່ອັຟການິສະຖານ ກໍຄືການຮ່ວມມືລະຫວ່າງສອງຝ່າຍໃນຂົງເຂດທີ່ກ່ຽວຂ້ອງ, ເຫັນດີເພີ່ມທະວີການແລກປ່ຽນບົດຮຽນດ້ານການປົກຄອງປະເທດ ແລະ ບໍລິຫານລັດ, ເພີ່ມທະວີການປະສານງານລະຫວ່າງພາກສ່ວນຮັບຜິດຊອບ, ຊຸກຍູ້ການຮ່ວມມືໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”.
ທ່ານຈ້າວລີ້ຈ່ຽນຊີ້ອອກວ່າ, ປະຈຸບັນ, ປະຊາຊົນອັຟການິສະຖານພວມປະສົບວິກິດການມະນຸດສະທຳທີ່ຮ້າຍແຮງ, ຈີນຮຽກຮ້ອງໃຫ້ປະຊາຄົມໂລກຈົ່ງຮ່ວມມືກັນ, ຊ່ວຍເຫຼືອປະຊາຊົນອັຟການິສະຖານຜ່ານຜ່າຄວາມຫຍຸ້ງຍາກ, ຄັດຄ້ານການຫັນເອົາການຊ່ວຍເຫຼືອດ້ານມະນຸດສະທຳເປັນບັນຫາການເມືອງ, ປະເທດທີ່ກ່ຽວຂ້ອງຄວນຍົກເລີກການອາຍັດຊັບສິນຂອງອັຟການິສະຖານ ແລະການລົງໂທດແຕ່ຝ່າຍດຽວໂດຍໄວ, ແບກຫາບຄວາມຮັບຜິດຊອບຕົ້ນຕໍໃນການສ້າງສາເສດຖະກິດຂອງອັຟການິສະຖານຄືນໃໝ່ຢ່າງແທ້ຈິງ.
ຄຳເຫັນ
0