ຕົວເລກຫຼ້າສຸດຈາກເວັບໄຊ＂ເອກະສານກ່ຽວກັບການໃຊ້ຄວາມຮຸນແຮງ　ດ້ວຍອາວຸດປືນ＂ເຊິ່ງເປັນອົງການບໍ່ຫວັງຜົນກຳໄລຂອງອາເມຣິກາໄດ້ສະແດງ　ໃຫ້ເຫັນວ່າ，ໃນປີ2021ທີ່ຫາກໍ່ຜ່ານພົ້ນໄປ，ຢູ່ອາເມຣິກາໄດ້ເກີດເຫດການ　ໃຊ້ຄວາມຮຸນແຮງດ້ວຍອາວຸດປືນທີ່ພາໃຫ້ຫຼາຍກວ່າ4ຄົນເສຍຊີວິດໃນຄັ້ງດຽວມີ691ຄະດີເຊິ່ງໄດ້ສ້າງສະຖິຕິສູງສຸດນັບແຕ່ເວັບໄຊດ່ັງກ່າວໄດ້ເລີ່ມຕິດຕາມເຫດ　ການໃຊ້ຄວາມຮຸນແຮງດ້ວຍອາວຸດປືນເມື່ອປີ2013ເປັນຕົ້ນມາ．

ຕົວເລກໄດ້ສະແດງໃຫ້ເຫັນວ່າ，ນັບມາຮອດວັນທີ31ທັນວາປີ2021，ຢູ່ອາເມຣິກາມີຜູ້ເສຍຊີິວິດຍ້ອນການໃຊ້ຄວາມຮຸນແຮງດ້ວຍອາວຸດປືນລວມມີ44.750ຄົນ，ໃນນັ້ນມີ20.660ຄົນແມ່ນຖືກຜູ້ອື່ນຂ້າຕາຍ，24.090ຄົນແມ່ນ　ຂ້າໂຕຕາຍ，ໃນຜູ້ເສຍຊີວິດນັ້ນມີ1.533ຄົນແມ່ນຊາວໜຸ່ມແລະເດັກນ້ອຍທີ່ມີ　ອາຍຸ17ປີແລະລົງລຸ່ມ；ໃນຂະນະດຽວກັນມີ40.359ຄົນໄດ້ຮັບບາດເຈັບໃນເຫດ　ການໃຊ້ຄວາມຮຸນແຮງດ້ວຍອາວຸດປືນ，ໃນນັ້ນມີ4.107ຄົນມີອາຍຸ17ປີແລະ　ລົງລຸ່ມ．ເຊິ່ງຕົວເລກເຫຼົ່ານີ້　ແມ່ນສະຖິຕິສູງສູດນັບແຕ່ເວັບໄຊດັ່ງກ່າວໄດ້ມີການ　ບັນທຶກເປັນຕົ້ນມາ．

ອີງຕາມຕົວເລກຄາດຄະເນຂອງＦＢＩອາເມຣິກາ，ໃນ11ເດືອນປີ2021，ທົ່ວປະເທດອາເມຣິກາໄດ້ຂາຍປືນປະມານ17ລ້ານກະບອກ．ນອກນີ້ມີຜົນສຳຫຼວດສະແດງໃຫ້ເຫັນວ່າ，ປັດຈຸບັນ　ຈຳນວນຄົນທີ່ມີປືນໃນການຄອບຄອງຢູ່ອາເມຣິ　ກາມີປະມານ81ລ້ານ4ແສນຄົນ，ກວມປະມານ　1　ສ່ວນ　3　ຂອງປະຊາກອນທີ່ເປັນຜູ້ໃຫຍ່．ອາເມຣິກາແມ່ນປະເທດທີ່ປະຊາຊົນທຳມະດາສາມັນມີປືນໃນການຄອບຄອງຫຼາຍກວ່າໝູ່ໃນໂລກ，ອາວຸດປືນມີຢູ່ຖົມໄປ，ການໃຊ້　ຄວາມຮຸນແຮງດ້ວຍອາວຸດປືນໄດ້ກາຍເປັນບັນຫາທີ່ແກ້ໄຂບໍ່ຕົກຂອງສັງຄົມອາເມຣິກາ．