ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ມັງກອນນີ້ຕາມເວລາປັກກິ່ງ, ຜູ້ນຳຂອງ 5 ປະເທດທີ່ມີອາວຸດນິວເຄລຍຄື:ຈີນ,ຣັດເຊຍ,ອາເມຣິກາ,ອັງກິດແລະຝຣັ່ງໄດ້ຮ່ວມກັນອອກຖະແຫຼງການຮ່ວມກ່ຽວກັບການປ້ອງກັນສົງຄາມນິວເຄລຍແລະຫຼີກລຽງການແຂ່ງຂັນອາວຸດ. ໂດຍໄດ້ເນັ້ນໜັກວ່າສົງຄາມນິວເຄລຍຈະບໍ່ສາມາດເອົາຊະນະກັນໄດ້ແລະຈະບໍ່ເກີດຂຶ້ນ ແລະໄດ້ເນັ້ນໜັກວ່າຈະບໍ່ນຳໃຊ້ອາວຸດນິວເຄລຍໂຈມຕີກັນຫຼືໂຈມຕີປະເທດໃດໜຶ່ງ.
ທ່ານ ໝ້າຈ່າວຊູ້ ຮອງລັດຖະມົນຕີກະຊວງການຕ່າງປະເທດຈີນໄດ້ໃຫ້ສຳພາດຕໍ່ສື່ມວນຊົນແລະກ່າວວ່າ: ນີ້ເປັນຄັ້ງທຳອິດທີ່ຜູ້ນຳ 5 ປະເທດໄດ້ອອກຖະແຫຼງການຮ່ວມກ່ຽວກັບອາວຸດນິວເຄລຍ ເຊິ່ງໄດ້ສະແດງໃຫ້ເຫັນເຖິງຄວາມມຸ່ງມາດປາຖະໜາທາງການເມືອງຂອງ 5 ປະເທດກ່ຽວກັບການປ້ອງກັນບໍ່ໃຫ້ເກີດສົງຄາມນິວເຄລຍ,ທັງແມ່ນສຽງຮຽກຮ້ອງຮ່ວມກັນໃນການປົກປັກຮັກສາຄວາມໝັ້ນຄົງທາງດ້ານຍຸດທະສາດຂອງໂລກແລະຫຼຸດຄວາມສ່ຽງໃນການປະທະກັນດ້ວຍອາວຸດນິວເຄລຍໃຫ້ໜ້ອຍລົງ. 5 ປະເທດຄວນຖືເອົາຖະແຫຼງການດັ່ງກ່າວເປັນຈຸດເລີ່ມຕົ້ນໃໝ່,ເສີມຂະຫຍາຍບົດບາດທີ່ຕັ້ງໜ້າເຂົ້າໃນການສ້າງໂລກທີ່ມີສັນຕິພາບຢ່າງຍາວນານແລະປອດໄພໂດຍທົ່ວໄປ.
ທ່ານ ໝ້າຈ່າວຊູ້ ກ່າວເນັ້ນໜັກວ່າ: ຈີນໄດ້ຕັ້ງໜ້າລິເລີ່ມທັດສະນະທີ່ວ່າ “ສົງຄາມນິວເຄລຍຈະບໍ່ສາມາດເອົາຊະນະກັນໄດ້ແລະຈະບໍ່ເກີດຂຶ້ນ”ມາໂດຍຕະຫຼອດ,ຈະສືບຕໍ່ອຸທິດສະຕິປັນຍາຂອງຈີນແລະສະເໜີແຜນການຂອງຈີນເພື່ອຊຸກຍູ້ການຄຸ້ມຄອງໂລກໃນຂົງເຂດອາວຸດນິວເຄລຍ.
ຄຳເຫັນ
0