ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 3 ມັງກອນນີ້, ທ່ານອິມຣານ ຄານ, ນາຍົກລັດຖະມົນຕີປາກີສະຖານໄດ້ກ່າວໃນເວລາເຂົ້າຮ່ວມພິທີສ້າງຕັ້ງເວທີປຶກສາຫາລືກ່ຽວກັບການລົງທຶນດ້ານການຄ້າຈີນ-ປາກີສະຖານທີ່ໄດ້ຈັດຂຶ້ນຢູ່ສຳນັກງານນາຍົກລັດຖະມົນຕີວ່າ: ລັດຖະບານປາກີສະຖານກຳລັງເຮັດລະບຽບການແລະແຜນການດ້ານການລົງທຶນຢູ່ປາກີສະຖານມີຄວາມງ່າຍຂຶ້ນກວ່າເກົ່າ, ອຳນວຍຄວາມສະດວກໃຫ້ແກ່ນັກລົງທຶນຕ່າງປະເທດລວມທັງຈີນ.
ປະທານຄະນະກຳມະການການລົງທຶນປາກີສະຖານກ່າວວ່າ: ເວທີປຶກສາຫາລືນີ້ມີຜົນດີຕໍ່ຕາມຄວາມຕ້ອງການຂອງວິສາຫະກິດຂອງສອງປະເທດ, ຊ່ວຍປັບປຸງສະພາບແວດລ້ອມການດຳເນີນທຸລະກິດຢູ່ປາກີສະຖານໃຫ້ດີກວ່າເກົ່າ, ແມ່ນຄວາມຫວັງເພື່ອເລັ່ງຂະບວນການຫັນເປັນອຸດສາຫະກຳຂອງປາກີສະຖານ, ທັງເປັນການເພີ່ມທະວີການສົ່ງອອກ. ແລະດຶງດູດນັກລົງທຶນຈີນໄປລົງທຶນຢູ່ປາກີສະຖານໃຫ້ຫຼາຍກວ່າເກົ່າ.
ຂ່າວແຈ້ງວ່າ: ເວທີປຶກສາຫາລືກ່ຽວກັບການລົງທຶນດ້ານການຄ້າຈີນ-ປາກີສະຖານສ້າງຕັ້ງຂຶ້ນຮ່ວມກັນໂດຍສະມາຄົມວິສາຫະກິດຈີນທົ່ວປະເທດປາກີສະຖານແລະຄະນະກຳມະການການລົງທຶນປາກີສະຖານ, ເຊິ່ງມີຈຸດປະສົງເພື່ອສ້າງເວທີການລົງເລິກການຮ່ວມມືດ້ານການຄ້າແລະຂະແໜງການລະຫວ່າງວິສາຫະກິດຈີນແລະປາກີສະຖານ.
ຄຳເຫັນ
0