ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມການລາຍງານວ່າ: ນັກການເມືອງບາງຄົນຂອງອາເມຣິກາໄດ້ຕຳໜິບໍລິສັດເຕສລາຫຼື Tesla ທີ່ເປີດຫ້ອງວາງສະແດງລົດຢູ່ເຂດຊິ່ນຈ່ຽງປະເທດຈີນ,ແລະກ່າວວ່າບໍ່ລິສັດດັ່ງກ່າວບໍ່ເອົາຫົວຊານຳເລື່ອງທີ່ເກີດຂຶ້ນຢູ່ເຂດຊິ່ນຈ່ຽງ. ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 6 ມັງກອນນີ້, ທ່ານ ຫວ່າງເຫວີນ ປິ່ນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມທີ່ກ່ຽວຂ້ອງແລະກ່າວວ່າ: “ພວກເຮົາໄດ້ສັງເກດເຫັນວ່າ:ອາເມຣິກາກ່າວວ່າບໍ່ຄວນນີ້ງເສີຍກັບເລື່ອງທີ່ເກີດຂຶ້ນຢູ່ເຂດຊິ່ນຈ່ຽງ. ຖ້າເປັນແບບນັ້ນ, ເປັນຫຍັງນັບແຕ່ເດືອນທັນວາປີ 2018 ເປັນຕົ້ນມາ, ໄດ້ມີຜູ້ຊ່ຽວຊານ,ນັກວິຊາການ,ນັກຂ່າວ,ນັກການທູດແລະບຸກຄົນວົງການຕ່າງໆຈາກ 100 ກວ່າປະເທດແລະເຂດແຄວ້ນໃນໂລກທັງໝົດ 2 ພັນກວ່າທ່ານໄດ້ໄປທັດສະນະຢ້ຽມຢາມຢູ່ເຂດຊິ່ນຈ່ຽງ,ແລະໄດ້ເປັນສັກຂີພິຍານໃຫ້ກັບຜົນສຳເລັດດ້ານການພັດທະນາເສດຖະກິດມີຄວາມຈະເລີນຮຸ່ງເຮືອງແລະປະຊາຊົນມີຄວາມປອງດອງກັນ. ປະຊາຊົນເຜົ່າອຸຍເກີແລະຊົນເຜົ່າສ່ວນໜ້ອຍອື່ນໆສາມາດຊົມໃຊ້ສິດແລະປະຕິບັດພັນທະຂອງຕົນໄດ້ຢ່າງເຕັມທີ່ແລະສະເໝີພາບກັນ,ເຂົາເຈົ້າໄດ້ຕັ້ງໜ້າເຂົ້າຮ່ວມການບໍລິຫານປະເທດແລະເຂດຊິ່ນຈ່ຽງ,ເລື່ອງຈິງເຫຼົ່ານີ້ເປັນເລື່ອງທີ່ເຫັນກັບຕາຮ່ວມກັນ. ຊັ້ນເປັນຫຍັງອາເມຣິກາຈຶ່ງເບິ່ງຂ້າມເລື່ອງນີ້.”
ທ່ານ ຫວ່າງເຫວີນປິ່ນ ກ່າວຕື່ມວ່າ: “ອາເມຣິກາບໍ່ເອົາຫົວຊານຳຄວາມເປັນຈິງແລະເລື່ອງຈິງດັ່ງກ່າວ,ພັດໄດ້ດຳເນີນການລົງໂທດເຂດຊິ່ນຈ່ຽງບົນພື້ນຖານຄຳຫຼອກລວງເພື່ອລຶບລ້າງເລື່ອງຈິງມາແຕ່ດົນແລ້ວ ເຊິ່ງໄດ້ເຜີຍແບເຈດຕະນາທີ່ແທ້ຈິງຂອງອາເມຣິກາອີກເທື່ອໜຶ່ງໃນການບີບບັງຄັບຈີນທາງດ້ານເສດຖະກິດແລະກົດດັນທາງດ້ານການເມືອງໃນຂໍ້ອ້າງສິດທິມະນຸດ. ອາເມຣິກາເສກສັນປັ້ນແຕ່ງຄຳຫຼອກລວງທີ່ກ່ຽວຂ້ອງກັບເຂດຊິ່ນຈ່ຽງພຽງແຕ່ຈະເຮັດໃຫ້ຊາວໂລກໄດ້ຮັບຮູ້ທາດແທ້ທີ່ຈອມປອມຂອງອາເມຣິກາຕື່ມອີກໃນການປົກປ້ອງສິດທິມະນຸດ ແລະເຮັດໃຫ້ພາບພົດຂອງອາເມຣິກາທີ່ເປັນ ‘ຜູ້ປົກປ້ອງສິດທິມະນຸດ’ ປະສົບຄວາມຫຼົ້ມເຫຼວໄວຂຶ້ນ. ພວກຂ້າພະເຈົ້າຍິນດີຕ້ອນຮັບເພື່ອນມິດຈາກປະເທດຕ່າງໆໃນໂລກມາຢ້ຽມຢາມເຂດຊິ່ນຈ່ຽງໂດຍຜ່ານທາງອອນລາຍຫຼືຢ້ຽມຢາມຕົວຈິງແລະວິທີອື່ນໆ,ເພື່ອສຳຜັດກັບເຂດຊິ່ນຈ່ຽງທີ່ສວຍສົດງົດງາມແຫ່ງນີ້.”
ຄຳເຫັນ
0