ຕອນຄ່ຳວັນທີ 9 ມັງກອນນີ້, ທ່ານເຊີເກ ຣີຢັບຄອຟ ຮອງລັດຖະມົນຕີກະຊວງການຕ່າງປະເທດຣັດເຊຍ ກັບ ທ່ານນາງເວນດີ ເຊີແມນ ຮອງລັດຖະມົນຕີກະຊວງການຕ່າງປະເທດອາເມຣິກາໄດ້ຈັດການພົບປະກັນເປັນເວລາ 2 ຊົ່ວໂມງຢູ່ນະຄອນເຊີແນວ ເພື່ອເຈລະຈາກ່ຽວກັບຄວາມໝັ້ນຄົງທາງຍຸດທະສາດຮອບໃໝ່ລະຫວ່າງຣັດເຊຍ ກັບ ອາເມຣິກາ. ຫຼັງຈາກການເຈລະຈາ, ຣັດເຊຍກ່າວວ່າ: ການເຈລະຈາກັນມີຄວາມສັບສົນຫຼາຍ ບໍ່ສາມາດເຮັດແບບງ່າຍດາຍບໍ່ໄດ້.

     ວັນທີ 10 ມັງກອນນີ້, ສອງຝ່າຍຍັງໄດ້ຈັດການເຈລະຈາກັນຢ່າງຂ້ຽວຂາດກ່ຽວກັບບັນຫາຕ່າງໆ ເຊັ່ນ: ສະຖານະການອູແກຣນ, ຄວາມໝັ້ນຄົງຂອງເອີລົບ, ການຄວບຄຸມອາວຸດນິວເຄຼຍ, ຄວາມໝັ້ນຄົງທາງອິນເຕີເນັດ ແລະ ການປ່ຽນແປງຂອງດິນຟ້າອາກາດເປັນຕົ້ນ. ນອກນີ້, ຣັດເຊຍຈະຈັດການເຈລະຈາກັບກຸ່ມນາໂຕຢູ່ບຣຸກແຊນນະຄອນຫຼວງຂອງປະເທດແບນຊິກໃນວັນທີ 12 ມັງກອນນີ້ ແລະ ຈະຈັດການເຈລະຈາກັບອົງການຄວາມຫມ້ັ້ນຄົງ ແລະ ການຮ່ວມມືເອີລົບຢູ່ວຽນ ນະຄອນຫຼວງປະເທດໂອຕີຣສໃນວັນທີ 13 ມັງກອນນີ້.