ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ມັງກອນນີ້ຕາມເວລາທ້ອງຖິ່ນ, ໂດຍແນໃສ່ກໍລະນີທີ່ພວກຕໍ່ຕ້ານຈີນຈຳນວນໜ້ອຍໄດ້ໄຂກອງປະຊຸມຜ່ານທາງອອນລາຍກ່ຽວກັບ “ຄຳຕັດສິນຂອງສານອຸຍເກີ”, ໂຄສົກຄະນະຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ໄດ້ກ່າວປະນາມຢ່າງຮຸນແຮງ ແລະ ສະແດງການຄັດຄ້ານຢ່າງເດັດດ່ຽວ, ໂດຍຊີ້ໃຫ້ເຫັນວ່າ, ບໍ່ວ່າປະເທດໃດ, ອິດທິກຳລັງໃດ ຫຼື ບຸກຄົນໃດ ຖ້າມີເຈດຕະນາສ້າງຄວາມວຸ້ນວາຍໃຫ້ກັບເຂດຊິ່ນຈ່ຽງ ແລະ ໃສ່ຮ້າຍປ້າຍສີປະເທດຈີນນັ້ນ ລ້ວນແຕ່ຕ້ອງປະລາໄຊຢ່າງແນ່ນອນ.
ໂຄສົກທ່ານນີ້ກ່າວຕື່ມວ່າ: “ສານພິເສດອຸຍເກີ” ແມ່ນເຄື່ອງມືທາງການເມືອງເພື່ອດຳເນີນການຫຼອກລວງ ທີ່ສ້າງຂຶ້ນໂດຍພວກຕໍ່ຕ້ານຈີນຈຳນວນໜ້ອຍ ທີ່ເຕົ້າໂຮມໂດຍ “ກອງປະຊຸມຜູ້ແທນອຸຍເກີໂລກ” ທີ່ເປັນກຸ່ມຕໍ່ຕ້ານ ແລະ ແບ່ງແຍກປະເທດຈີນທີ່ມີຊື່ສຽງບໍ່ດີ ພາຍໃຕ້ການຄອບງຳ ແລະ ການສະໜັບສະໜູນດ້ານການເງິນຈາກອິດທິກຳລັງຕາເວັນຕົກຕໍ່ຕ້ານຈີນທີ່ນຳໂດຍອາເມຣິກາ. ອັນທີ່ວ່າ “ສານ” ນີ້ ທັງບໍ່ມີຄຸນວຸດທິໃດໆດ້ານກົດໝາຍ, ທັງບໍ່ມີຄວາມໜ້າເຊື່ອຖືໃດໆ. ອັນທີ່ວ່າ “ຄຳຕັດສິນ” ຂອງ “ສານ” ພຽງແຕ່ເປັນລະຄອນຕະຫຼົກທີ່ກຳກັບ ແລະ ສະແດງເອງໂດຍພວກຕໍ່ຕ້ານຈີນເທົ່ານັ້ນ, ເຊິ່ງເປັນການກະທຳຕ່ຳຊ້າທີ່ຫຼົບຫຼູ່ກົດໝາຍ ແລະ ສະພາບຄວາມເປັນຈິງ, ຜູ້ທີ່ບໍ່ມີອະຄະຕິ ລ້ວນແຕ່ຈະບໍ່ຖືກຫຼອກລວງທັງນັ້ນ. ລະຄອນຕະຫຼົກດັ່ງກ່າວ ບໍ່ມີສ່ວນກ່ຽວຂ້ອງຫຍັງກັບອົງການສະຫະປະຊາຊາດ ທັງຈະຖືກອົງການສະຫະປະຊາຊາດ ແລະ ປະເທດສະມາຊິກຈຳນວນຫຼາຍຄັດຄ້ານ ແລະ ສະກັດກັ້ນຢ່າງແນ່ນອນ.
ຄຳເຫັນ
0