ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ12ມັງກອນນີ້,ກະຊວງແຮງງານຂອງອາເມຣິກາໄດ້ປະກາດສະຖິຕິໂດຍສະແດງໃຫ້ເຫັນວ່າ: ດັດຊະນີລາຄາຜູ້ບໍລິໂພກ ຫຼື ຂອງອາເມຣິກາໃນເດືອນທັນວາປີກາຍໄດ້ເພີ່ມຂຶ້ນ0,5%ເມື່ອທຽບໃສ່ເດືອນພະຈິກປີກາຍນີ້,ແລະໄດ້ເພີ່ມຂຶ້ນ7%ເມື່ອທຽບໃສ່ໄລຍະດຽວກັນຂອງປີກ່ອນ,ເຊິ່ງເປັນການເພີ່ມຂຶ້ນຫຼາຍທີ່ສຸດເມື່ອທຽບໃສ່ໄລຍະດຽວກັນຂອງປີກ່ອນເລີ່ມຈາກເດືອນມິຖຸນາປີ1982ເປັນຕົ້ນມາ,ເຊິ່ງໄດ້ສະແດງໃຫ້ເຫັນວ່າ ອາເມຣິກາໄດ້ຮັບແຮງກົດດັນຈາກໄພເງິນເຟີ້ເພີ່ມຂຶ້ນຢ່າງຕໍ່ເນື່ອງ.
ນັກເສດຖະກິດເຫັນວ່າ: ການທີ່ອາເມຣິກາໄດ້ຮັບແຮງກົດດັນຈາກໄພເງິນເຟີ້ເພີ່ມຂຶ້ນຢ່າງຕໍ່ເນື່ອງ ແມ່ນຍ້ອນໄດ້ຮັບຜົນກະທົບຈາກຫຼາຍປັດໄຈ ເຊັ່ນວ່າ: ຜູ້ບໍລິໂພກມີຄວາມຕ້ອງການສິນຄ້າຫຼາຍຂຶ້ນ,ຕ່ອງໂສ້ການສະໜອງອ່ອນເພຍຄືເກົ່າ, ເງິນເດືອນເພີ່ມຂຶ້ນ, ນະໂຍບາຍເງິນຕາໂຍະຍານເກີນໄປ ແລະອື່ນໆ,ບັນຫາເຫຼົ່ານີ້ບໍ່ສາມາດຜ່ອນຄາຍໄດ້ໃນໄລຍະສັ້ນ. ບົດບັນທຶກກອງປະຊຸມນະໂຍບາຍເງິນຕາໃນເດືອນທັນວາປີກາຍນີ້ທີ່ທະນາຄານກາງອາເມຣິກາ ຫຼື FEDໄດ້ປະກາດໃນອາທິດຜ່ານມາໄດ້ສະແດງໃຫ້ເຫັນວ່າ: ພາຍໃຕ້ເບື້ອງຫຼັງທີ່ສະພາບເສດຖະກິດອາເມຣິກາແຂງແຮງຂຶ້ນ ແຕ່ໄພເງິນເຟີ້ສູງຂຶ້ນຢ່າງບໍ່ຢຸດຢັ້ງ, FEDອາດຈະເພີ່ມດອກເບ້ຍກ່ອນເວລາກຳນົດ.
ຄຳເຫັນ
0