ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມັງກອນນີ້, ໃນເວລາຕອບຄຳຖາມຂອງນັກຂ່າວກ່ຽວກັບເຫດການພູໄຟລະເບີດທີ່ເກີດຂຶ້ນຢູ່ປະເທດຕົງກາ, ທ່ານວ່າງເວີນປິ່ນ, ໂຄສົກກະຊວງການຕ່າງປະເທດຈີນກ່າວວ່າ: ຈີນໄດ້ໃຫ້ຄວາມສົນໃຈເປັນພິເສດຕໍ່ກັບເຫດການພູໄຟລະເບີດທີ່ເກີດຂຶ້ນຢູ່ປະເທດຕົງກາ ເຊິ່ງໄດ້ພາໃຫ້ເກີດມີຄື້ນສຶນາມິ, ຝຸ່ນຂີ້ເທົ່າ ແລະໄພພິບັດອື່ນໆ. ຈີນຍິນດີໃຫ້ການຊ່ວຍເຫຼືອ ແລະການສະໜັບສະໜູນ ໂດຍອີງຕາມຄວາມຮຽກຮ້ອງຕ້ອງການຂອງປະເທດຕົງກາ.
ທ່ານວ່າງເວີນປິ່ນກ່າວວ່າ: ສະຖານທູດຈີນປະຈຳຕົງກາໄດ້ເລີ່ມປະຕິບັດແຜນການຮັບມືສຸກເສີນໃນທັນທີ ໂດຍໄດ້ເຮັດວຽກຮ່ວມກັບຝ່າຍຕ່າງໆ ເພື່ອເກັບກຳຂໍ້ມູນກ່ຽວກັບສະພາບຂອງພົນລະເມືອງຈີນ. ປັດຈຸບັນ, ສະຖານທູດຈີນປະຈຳຕົງກາຍັງບໍ່ໄດ້ຮັບລາຍງານວ່າມີພົນລະເມືອງຈີນເສຍຊີວິດ ແລະບາດເຈັບເທື່ອ. ຈີນ ແລະຕົງກາເປັນປະເທດຄູ່ຮ່ວມມືຍຸດທະສາດຮອບດ້ານ. ຈີນຂໍສະແດງຄວາມເສົ້າສະຫຼົດໃຈ ແລະສົ່ງຄວາມຢື້ຢາມຖາມຂ່າວໄປຍັງລັດຖະບານ ແລະປະຊາຊົນຕົງກາ ແລະຍິນດີໃຫ້ການຊ່ວຍເຫຼືອ ແລະການສະໜັບສະໜູນ ໂດຍອີງຕາມຄວາມຮຽກຮ້ອງຕ້ອງການຂອງປະເທດຕົງກາ.
ຄຳເຫັນ
0