ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວທີປຶກສາຫາລືເສດຖະກິດໂລກໄດ້ຖະແຫຼງຂ່າວໃນວັນທີ 21 ມັງກອນນີ້ວ່າ: ຈະຈັດກອງປະຊຸມປະຈຳປີ 2022 ຢູ່ດາໂວສ ເມືອງນ້ອຍຂອງປະເທດສວິສ ແຕ່ວັນທີ 22 ຫາ 26 ພຶດສະພາໜ້ານີ້.
ຖະແຫຼງຂ່າວລະບຸວ່າ: ຫົວຂໍ້ສຳຄັນໃນກອງປະຊຸມປະຈຳປີ ຈະລວມມີການຊຸກຍູ້ການຟື້ນຟູ ເສດຖະກິດໃນໄລຍະທ້າຍຂອງການແຜ່ລະບາດຂອງພະຍາດໂຄວິດ-19, ການຮັບມືກັບ ການປ່ຽນແປງຂອງດິນຟ້າອາກາດ, ການປັບປຸງສະພາບການປະກອບອາຊີບໃນອະນາຄົດ ແລະ ການເຮັດແນວໃດເພື່ອນຳໃຊ້ເຕັກນິກຕ່າງໆໃນການປະຕິວັດອຸດສາຫະກຳຄັ້ງທີ 4 ແລະ ອື່ນໆ.
ກອງປະຊຸມຄັ້ງນີ້ຈະຈັດຂຶ້ນໃນຮູບແບບອັອຟລາຍ ແລະ ປຶກສາຫາລືກັນ ໂດຍປິ່ນອ້ອມ ຫົວຂໍ້ “ຮ່ວມມືກັນ ແລະ ສ້າງຄວາມໄວ້ເນື້ອເຊື່ອໃຈກັນຄືນໃໝ່”. ເວທີປຶກສາຫາລື ເສດຖະກິດໂລກ ຈະຈັດກອງປະຊຸມປະຈຳປີຄັ້ງນີ້ ພາຍໃຕ້ສະພາບການທີ່ຮັບປະກັນ ສຸຂະພາບຂອງແຂກຜູ້ມີກຽດທີ່ມາຮ່ວມປະຊຸມ, ພະນັກງານ ແລະ ປະຊາຊົນທ້ອງຖິ່ນ.
ຕາມແຜນການ, ກອງປະຊຸມຄັ້ງນີ້ຈະຈັດຂຶ້ນໃນເດືອນມັງກອນນີ້ຢູ່ດາໂວສ, ແຕ່ໄດ້ເລື່ອນ ເວລາອອກໄປໃຫ້ຈັດຂຶ້ນໃນເດືອນພຶດສະພາປີນີ້ ກໍຍ້ອນວ່າໄດ້ເກີດມີການແຜ່ລະບາດຂອງ ພະຍາດໂຄວິດ-19 ກາຍພັນໂອມິຄຣອນ.
ຄຳເຫັນ
0