ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ມັງກອນນີ້ ຕົກເປັນມື້ແຮມ 9 ຄ່ຳ ເດືອນ 12 ຕາມຈັນທະຄະຕິຈີນ, ເຊິ່ງເປັນວັນອະນາໄມເຮືອນ. ໃນມື້ດັ່ງກ່າວ, ທຸກໆຄອບຄົວລ້ວນແຕ່ຕ້ອງອະນາໄມເຮືອນໃຫ້ສະອາດຢ່າງເຖິງຖອງ ໂດຍບໍ່ໃຫ້ມີໃຍແມງມູມ ທັງຕ້ອງລ້າງເຄື່ອງໃຊ້ຕ່າງໆ ແລະ ເຊັດໂຕະຕັ່ງໃຫ້ສະອາດ. ຢູ່ບາງທ້ອງຖິ່ນຂອງຈີນ, ປະຊາຊົນໄດ້ຖືເອົາໄລຍະເວລາເລີ່ມແຕ່ “ບຸນກຸດຈີນນ້ອຍ" (ຢູ່ພາກເໜືອຂອງຈີນ ຕົກຢູ່ໃນມື້ແຮມ 8 ຄ່ຳ ແລະ ຢູ່ພາກໃຕ້ຂອງຈີນ ຕົກເປັນມື້ແຮມ 9 ຄ່ຳ ເດືອນ 12 ຕາມຈັນທະຄະຕິຈີນ) ຈົນຮອດວັນສິ້ນປີ ເປັນ “ວັນອະນາໄມ”, ຍັງເອີ້ນວ່າ “ວັນຕ້ອນຮັບລະດູປານໃໝ່”.
ຕາມເທບນິຍາຍຂອງຈີນ,ເພື່ອຊອກຮູ້ສະພາບຄວາມດີຄວາມຊົ່ວຂອງຄົນເຮົາ, ເງີກຊຽນຮ່ອງເຕ້ ຈິ່ງສົ່ງເທວະດາສາມແມງໄປປະຈຳຢູ່ເມືອງຄົນ,ສັ່ງໃຫ້ເພິີ່ນແຕ້ມຂີດໝາຍຢູ່ເທິງຝາເຮືອນຂອງຜູ້ເຮັດຄວາມຊົ່ວ, ເມື່ອຮອດກາງຄືນວັນສິ້ນປີນັ້ນ ເງີກຊຽນຮ່ອງເຕ້ ຈິ່ງສົ່ງທະຫານສະຫວັນໄປຈັບເອົາຄົນເຫຼົ່ານັ້ນ.
ເພື່ອສະແດງຄຸນງາມຄວາມດີຂອງຕົນ ທັງເພື່ອໄດ້ຮັບລາງວັນຈາກເງີກຊຽນຮ່ອງເຕ້, ເທວະດາສາມແມງກໍ່ລາຍງານເລື່ອງຄວາມຊົ່ວຂອງຄົນທີ່ລາວປັ້ນແຕ່ງຂຶ້ນອອກມາເລື້ອຍໆ. ເມື່ອເທວະດາເຕົາໄຟທີ່ມີຄວາມເມດຕາ ໄດ້ຮູ້ການກະທຳຕ່າງໆຂອງເທວະດາສາມແມງແລ້ວ,ກໍ່ຢາກໄປກອບກູ້ເອົາປະຊາຊົນ, ເພິ່ນຈິ່ງບອກໃຫ້ຄົນທັງຫຼາຍທຳຄວາມສະອາດທາງນອກ ແລະ ທາງໃນຂອງເຮືອນກ່ອນວັນສິ້ນປີເພື່ອອະນາໄມຂີດໝາຍທີ່ເທວະດາສາມແມງແຕ້ມໄວ້ນັ້ນອອກໄປ.
9 ຄ່ຳ ເດືອນ 12 ເປັນວັນອະນາໄມເຮືອນ ເພື່ອຫຼີກເວັ້ນບໍ່ປະສົບເຄາະຮ້າຍ. ຫຼັງຈາກນັ້ນ ຈິ່ງຄ່ອຍໆເກີດມີປະເພນີທີ່ອະນາໄມເຮືອນໃນວັນດັ່ງກ່າວ.
ການອະນາໄມເຮືອນ ຍັງມີຄວາມໝາຍທີ່ກຳຈັດພະຍາດ ແລະ ອະທິຖານໃຫ້ມີຄວາມສະຫງົບສຸກໃນປີໃໝ່. ໃນພາສາຈີນ, ສຽງຂອງຄຳສັບທີ່ວ່າ “ຂີ້ຝຸ່ນ” ຄືກັນກັບຄຳສັບ “ສິ່ງເກົ່າ”, ສະນັ້ນ ການອະນາໄມຂີ້ຝຸ່ນໃນປີໃໝ່ ຍັງມີຄວາມໝາຍທີ່ “ກວາດລ້າງສິ່ງເກົ່າອອກ ແລະ ຕອນຮັບສິ່ງໃໝ່”. ຮີດຄອງປະເພນີນີ້ ໄດ້ສ່ອງໃຫ້ເຫັນເຖິງຄວາມຫວັງຂອງຄົນທັງຫຼາຍທີ່ມີຕໍ່ຄວາມດີງາມໃນປີໃໝ່!
ຄຳເຫັນ
0