ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ມັງກອນນີ້, ກອງປະຊຸມເວທີປຶກສາຫາລືກ່ຽວກັບການປະດິດສ້າງໃໝ່ດ້ານສື່ມວນຊົນໂລກຄັ້ງທຳອິດໄດ້ຈັດຂຶ້ນຢູ່ນະຄອນຫຼວງປັກກິ່ງ. ກອງປະຊຸມຄັ້ງນີ້ເປັນເຈົ້າພາບຈັດຂຶ້ນໂດຍສະຖານີວິທະຍຸໂທລະພາບສູນກາງຈີນ ຫຼື CMG , ອົງການສື່ມວນຊົນ 145 ແຫ່ງຈາກ 78 ປະເທດແລະເຂດແຄວ້ນ ກໍຄື ຜູ້ຮັບຜິດຊອບອົງການຈັດຕັ້ງສາກົນທີກ່ຽວຂ້ອງໄດ້ເຂົ້າຮ່ວມກອງປະຊຸມດ້ວຍຮູບແບບອອນລາຍ ແລະ ອອຟລາຍ.
ທ່ານໂທມາສ ບັກສ ປະທານຄະນະກຳມະການໂອລິມປິກສາກົນໄດ້ສະແດງຄວາມຊົມເຊີຍຜົນສຳເລັດຂອງການຈັດກອງປະຊຸມຄັ້ງນີ້ ໂດຍກ່າວວ່າ, ໃນຫຼາຍສິບປີທີ່ຜ່ານມານີ້, ສະຖານີວິທະຍຸໂທລະພາບສູນກາງຈີນ ແລະ ໂທລະພາບສູນກາງຈີນໃນເມື່ອກ່ອນເປັນຄູ່ຮ່ວມມືທີ່ລ້ຳຄ່າຂອງຄະນະກຳມະການໂອລິມປິກສາກົນ, ໄດ້ສຸມຄວາມພະຍາຍາມຢ່າງສຸດຂີດເພື່ອສ່ອງແສງໃຫ້ເຫັນມົນສະເໜ່ຂອງງານກິລາໂອລິມປິກໃຫ້ແກ່ປະຊາຊົນຈີນເປັນຕື້ຄົນໄດ້ເບິ່ງໄດ້ຊົມ. ຄຽງຄູ່ກັບການອອກອາກາດຂອງຊ່ອງໂອລິມປິກຂອງໂທລະພາບສູນກາງທີ່ຂຶ້ນກັບ ສະຖານີວິທະຍຸໂທລະພາບສູນກາງຈີນ, ການຮ່ວມມືທີ່ໂດດເດັ່ນລະຫວ່າງສອງຝ່າຍໄດ້ກ້າວຂຶ້ນສູ່ລະດັບສູງກວ່າເກົ່າ. ໃນໂອກາດທີ່ນັກກິລາຫິມະ ແລະ ນ້ຳກ້ອນລະດັບສຸດຍອດຂອງໂລກພວມກະກຽມແຂ່ງຂັນໃນງານກິລາໂລອິມປິກລະດູໜາວປັກກິ່ງທີ່ໜ້າປະທັບໃຈນັ້ນ, ຂ້າພະເຈົ້າຂໍສະແດງຄວາມຂອບໃຈ ສະຖານີວິທະຍຸໂທລະພາບສູນກາງຈີນ ກໍຄືຄູ່ຮ່ວມມືສື່ມວນຊົນທັງຫຼາຍ, ທີ່ຈະຮ່ວມມືກັບຄະນະກຳມະການໂອລິມປິກສາກົນຂຽນປະຫວັດສາດໜ້າໃໝ່ທີ່ໜ້າຕື່ນເຕັ້ນໃນປະຫວັດສາດກິລາ.
ທ່ານເຊີ້ນໄຫຊົງ ຜູ້ອຳນວຍການໃຫຍ່ ສະຖານີວິທະຍຸໂທລະພາບສູນກາງຈີນກ່າວວ່າ, ສານຊົມເຊີຍຂອງທ່ານສີຈິ້ນຜິງ ປະທານປະເທດຈີນໄດ້ຊີ້ນຳ ພວກເຮົາວ່າ, ພາຍໃຕ້ຫົວຂໍ້ “ຮ່ວມກັນຊົມໃຊ້ໂອລິມປິກລະດູໜາວທີ່ມີເຕັກນິກສູງ”, ຮ່ວມກັນປະກອບສ່ວນເຂົ້າໃນງານກິລາໂອລິມປິກລະດູໜາວປັກກິ່ງ ແລະ ກິລາໂອລິມປິກ, ທັງໄດ້ຝາກຄວາມຫວັງຢ່າງສູງໃຫ້ກັບສື່ມວນຊົນໄດ້ສະແດງບົດບາດສຳຄັນຂອງຕົນ.
ຄຳເຫັນ
0