吴怡杏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ປະເພນີບຸນກຸດຈີນ: ໝ່າແປ້ງ ໃນມື້ແຮມ 13 ຄ່ຳ ເດືອນ 12

2022-01-30 15:10:52 cri

 ປະເພນີບຸນກຸດຈີນ: ໝ່າແປ້ງ ໃນມື້ແຮມ 13 ຄ່ຳ ເດືອນ 12_fororder_微信图片_20220130151001

    ວັນທີ 30 ມັງກອນປີນີ້ ຕົກເປັນມື້ແຮມ 13 ຄ່ຳ ເດືອນ 12 ຕາມປະຕິທິນຈັນທະຄະຕິຈີນ. ຕາມປະເພນີຈີນ, ມື້ແຮມ 11 ຄ່ຳ ແລະ 12 ຄ່ຳ ແມ່ນກະກຽມປະເພດຊີ້ນທີ່ຈະກິນໃນບຸນກຸດຈີນ, ຮອດມື້ແຮມ 13 ຄ່ຳແລ້ວ, ກໍຄວນກຽມປະເພດແປ້ງແລ້ວ. ແຕ່ກີ້, ບໍ່ມີຜົງຟູທີ່ໃຊ້ສະດວກຄືປັດຈຸບັນນີ້. ສະນັ້ນ, ໃນມື້ແຮມ 13 ຄ່ຳ, ຕ້ອງໝ່າແປ້ງຕາມວິທີດັ້ງເດີມ ເພື່ອກຽມປຸງແຕ່ງອາຫານຫຼັກທີ່ຈະກິນໃນມື້ຂຶ້ນ 1 ຄ່ຳ ຫາຂຶ້ນ 5 ຄ່ຳ ເດືອນຈຽງ. 

    ນອກຈາກນີ້ແລ້ວ, ໃນມື້ນີ້, ຍັງມີປະເພນີທີ່ຕິດຮູບພາບກຸດຈີນ, ຕິດເຈ້ຍທີ່ຕັດເປັນຮູບດອກໄມ້ໃສ່ປ່ອງຢ້ຽມ ແລະ ຕິດຄະຕິຄູ່ເປັນຕົ້ນ. ເມື່ອຕິດຮູບພາບກຸດຈີນ ແລະ ເຈ້ຍທີ່ຕັດເປັນຮູບດອກໄມ້ໃສ່ປ່ອງຢ້ຽມແລ້ວ, ຫ້ອງເຮືອນຂອງແຕ່ລະຄອບຄົວຈະເປັນລະບຽບຮຽບຮ້ອຍ ແລະສວຍງາມຂຶ້ນ. ສ່ວນປະເພນີທີ່ຕິດຄະຕິຄູ່ແມ່ນເກີດຈາກການຕິດໄມ້ຄາຍໃນສະໄໝບູຮານ, ຊາວບູຮານຈີນຖືໄມ້ຄາຍເປັນໄມ້ທີ່ສາມາດກັ້ນສິ່ງຊົ່ວຮ້າຍໄດ້. ຫຼັງຈາກມີເຕັກນິກການເຮັດເຈ້ຍເກີດຂຶ້ນແລ້ວ ກໍເລີ່ມມີປະເພນີທີ່ຕິດຄະຕິຄູ່ ຄືຖືເອົາການຕິດເຈ້ຍແດງແທນການຕິດໄມ້ຄາຍ. ຄອບຄົວຕ່າງໆ ພາກັນຕິດຄະຕິຄູ່ ແລະຕົວໜັງສື “ບຸນ” ໃສ່ປະຕູເຮືອນ, ຝາ, ຫົວປະຕູ  ເພື່ອຝາກຄວາມມຸ່ງມາດປາດຖະໜາທີ່ຢາກມີຊີວິດການເປັນຢູ່ອັນດີງາມ ແລະ ຮັບພອນໄຊອັນປະເສີດ ແລະດີງາມທີ່ຈະເກີດຂຶ້ນໃນອະນາຄົດ.

ຄຳ​ເຫັນ

0