ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກຸມພານີ້, ລັດຖະບານຍີ່ປຸ່ນໄດ້ອອກຄຳສັ່ງໃຫ້ເມືອງຟູຄູຊີມະຢຸດຕິການຈຳໜ່າຍປາຊີບັສເຕສ ຊີເລເກີລີ(Sebastes schlegelii) ທີ່ເປັນປາທະເລທີ່ຫາໄດ້ຢູ່ເຂດທະເລໃກ້ເມືອງດັ່ງກ່າວ, ແລະຍ້ອນວ່າປາຊະນິດດັ່ງກ່າວມີກຳມັນຕະພາບລັງສີເກີນມາດຖານທີ່ກຳນົດໄວ້.
ກະຊວງແຮງງານ ສຸຂະພາບແລະສະຫວັດດີການຍີ່ປຸ່ນໄດ້ແຈ້ງຂ່າວໃນວັນທີ 8 ກຸມພານີ້ວ່າ: ຜົນການກວດກາຈົນຮອດວັນທີ 7 ກຸມພານີ້ສະແດງໃຫ້ເຫັນວ່າ: ປາຊີບັສເຕສ ຊີເລເກີລີທີ່ຫາໄດ້ຢູ່ເຂດທະເລໃກ້ເມືອງຟູຄູຊີມະເຊິ່ງມີທາດຊີຊຽມ (Cesium) ທີ່ມີກຳມັນຕະພາບລັງສີສູງເຖິງ 1.400 ເບັກເກີເຣວ(Becquerel(Bq))ຕໍ່ໜຶ່ງກິໂລ,ເຊິ່ງເກີນມາດຖານຄວາມປອດໄພດ້ານອາຫານຂອງຍີ່ປຸ່ນທີ່ໄດ້ກຳນົດໄວ້ຫຼາຍທີ່ສຸດແມ່ນ 100 ເບັກເກີເຣວຕໍ່ໜຶ່ງກິໂລ.
ປາຊີບັສເຕສ ຊີເລເກີລີທີ່ຫາໄດ້ຢູ່ເຂດທະເລໃກ້ເມືອງຟູຄູຊີມະເຄີຍ ເກີດມີສະພາບເຈືອປົນກຳມັນຕະພາບລັງສີເກີນມາດຖານທີ່ກຳນົດໄວ້ໃນເດືອນກຸມພາແລະເດືອນເມສາປີກາຍນີ້,ຈຶ່ງຖືກສັ່ງໃຫ້ຢຸດຕິການຈຳໜ່າຍເປັນການຊົ່ວຄາວ. ແຕ່ໃນເດືອນທັນວາປີດຽວກັນໄດ້ຍົກເລີກມາດຕະການຢຸດຕິການຈຳໜ່າຍ.
ຄຳເຫັນ
0