ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 9 ກຸມພານີ້, ກອງປະຊຸມຄະນະກຳມະການສູນກາງອົງການປົດປ່ອຍປາແລັສຕີນ ຫຼື PLO ຄັ້ງທີ 31 ໄດ້ສິ້ນສຸດລົງແລະໄດ້ອອກຖະແຫຼງການວ່າ: ຍ້ອນວ່າອິສຣາແອນໄດ້ເລັ່ງຍຶດຄອງດິນແດນຂອງປາແລັສຕີນ, ໄດ້ຝ່າຝືນສົນທິສັນຍາທີ່ໄດ້ເຊັນກັນລະຫວ່າງສອງຝ່າຍຢ່າງຕໍ່ເນື່ອງ, ອົງການ PLO ຈຶ່ງຕົກລົງວ່າ: ຕອ້ງຢຸດຕິການປະຕິບັດຕາມພັນທະໃນສັນຍາຕ່າງໆທີ່ໄດ້ຮັບລົງນາມລະຫວ່າງອົງການ PLO ແລະອົງການອຳນາດແຫ່ງຊາດປາແລັສຕີນກັບອິສຣາແອນ.
ຖະແຫຼງການຍັງລະບຸວ່າ: ອິສຣາແອນ “ໄດ້ພະຍາຍາມກີດຂວາງຄວາມເປັນເອກະລາດຂອງປະຊາຊົນປາແລັສຕີນ, ໄດ້ລວ່ງລ້ຳອະທິປະໄຕແລະຜືນແຜ່ນດິນອັນຄົບຖ້ວນຂອງປາແລັສຕີນທີ່ໄດ້ລະບຸໃນມະຕິຖືກຕ້ອງຕາມກົດໝາຍສາກົນ”. ຄະນະກຳມະການສູນກາງຂອງອົງການ PLO ຈຶ່ງຕົກລົງຢຸດຕິການຮັບຮອງປະເທດອິສຣາແອນ, ຈົນກວ່າອິສາຣາແອນຈະຮັບຮອງປະເທດປາແລັສຕີນບົນຖື້ນຖານການຖືເອົາຊາຍແດນຕາມສົນທິສັນຍາປີ 1967 ແລະຖືເອົາເຢລູສະເລມຕາເວັນອອກເປັນນະຄອນຫຼວງ, ແລະຢຸດຕິການຂະຫຍາຍຈຸດຕັ້ງຖິ່ນຖານ.
ຖະແຫຼງການຍັງລະບຸອີກວ່າ: ປາແລັສຕີນຍັງໄດ້ຕົກລົງຢຸດຕິການປະສານ ງານດ້ານຄວາມໝັ້ນຄົງທຸກຮູບແບບກັບອິສຣາແອນ, ແລະປະຕິເສດໂຄງການສັນຕິພາບດ້ານເສດຖະກິດເຊິ່ງເປັນແຜນການທົດແທນສັນຕິພາບຖາວອນແລະມາດຕະການການສ້າງຄວາມໄວ້ເນື້ອເຊື່ອໃຈກັນທີ່ສະເໜີໂດຍອິສຣາແອນ.
ຄຳເຫັນ
0