ເຖິງວ່າປະເທດອູແກຼນບໍ່ແມ່ນປະເທດສະມາຊິກນາໂຕ​ກໍ​ຕາມ, ແຕ່ປະເທດຕາເວັນຕົກຕ່າງໆ ເຊັ່ນ ອາເມຣິກາ ແລະອື່ນໆ ໄດ້ຂົນສົ່ງອາວຸດຍຸດໂທປະກອນໃຫ້ແກ່ອູແກຼນຢ່າງຕໍ່ເນື່ອງໃນຫວ່າງມໍ່ໆມານີ້.

    ຂ່າວສານລອຍເຕີລາຍງານວ່າ, ອູແກຼນໄດ້ຮັບອາວຸດຍຸດໂທປະກອນງວດໃໝ່ທີ່ອາເມຣິກາໃຫ້ການຊ່ວຍເຫຼືອໃນວັນທີ 11 ກຸມພານີ້. ຕອນຄ່ຳວັນທີ 10 ກຸມພານີ້, ອາວຸດຍຸດໂທປະກອນຂອງອາເມຣິກາຈຳນວນ 130 ໂຕນໄດ້ຖືກຂົນສົ່ງໄປຮອດອູແກຼນ. ກະຊວງການຕ່າງປະເທດອູແກຼນໄດ້ຢືນຢັນໃນວັນທີ 7 ກຸມພານີ້ວ່າ: ໄລຍະມໍ່ໆມານີ້, ອູແກຼນໄດ້ຮັບອາວຸດຍຸດໂທປະກອນປະມານ 1000 ໂຕນ ແລະ ມີຍອດມູນຄ່າ 1 ຕື້ 500 ລ້ານໂດລາ.