ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ15ກຸມພານີ້ ທ່ານ ວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຂ່າວ. ມີນັກຂ່າວຖາມວ່າ: ພວກເຮົາສັງເກດເຫັນວ່າ ທ່ານ ໂຈ ໄບເດັນ ປະທານາທິບໍດີອາເມຣິກາໄດ້ເຊັນລັດຖະດຳລັດກ່ຽວກັບຊັບສິນຂອງທະນາຄານກາງອັຟການີສະຖານທີ່ຖືກອາເມຣິກາອາຍັດໄວ້ເຖິງ7ຕື້ໂດລາສະຫະລັດ ແລ້ວມີຫຼາຍຝ່າຍສະແດງຄວາມຄັດຄ້ານ. ຝ່າຍຈີນມີຄວາມເຫັນແນວໃດຕໍ່ກັບເລື່ອງນີ້?
ທ່ານ ວ່າງເວີນປິ່ນ ກ່າວວ່າ: ໂດຍບໍ່ໄດ້ຮັບຄວາມເຫັນດີຈາກປະຊາຊົນອັຟການີສະຖານ, ອາເມຣິກາໄດ້ນຳໃຊ້ຊັບສິນຂອງປະຊາຊົນອັຟການີສະຖານຕາມລຳພັງໃຈ ຈົນເຖິງຂັ້ນຍຶດເອົາເປັນຂອງໂຕເອງ,ມັນກໍ່ສ່ຳກັບວ່າເປັນໂຈນປຸ້ນຈີ້, ເຊິ່ງໄດ້ເປີດເຜີຍໃຫ້ເຫັນກະຕິກາແລະລະບຽບຂອງອາເມຣິກາອີກຄັ້ງໜຶ່ງ,ມັນບໍ່ແມ່ນກະຕິກາແລະລະບຽບທີ່ປົກປ້ອງຜູ້ອ່ອນແອແລະຄວາມເປັນທຳ, ຫາກແຕ່ແມ່ນກະຕິກາແລະລະບຽບທີ່ປົກປ້ອງແຕ່ຜູ້ມີອຳນາດເຂັ້ມແຂງແລະລັດທິເຈົ້າອຳນາດເທົ່ານັ້ນ. ໃນຖານະເປັນຜູ້ສ້າງເລື່ອງວິກິດການຢູ່ອັຟການີສະຖານ,ອາເມຣິກາບໍ່ຄວນສ້າງຄວາມຫຍຸ້ງຍາກລຳບາກໃຫ້ປະຊາຊົນອັຟການີສະຖານຮ້າຍແຮງຂຶ້ນຕື່ມ,ຫາກແຕ່ຄວນຍົກເລີກການອາຍັດຊັບສິນແລະລົງໂທດປະເທດອັຟການີສະຖານແຕ່ຝ່າຍດຽວໂດຍໄວເທົ່າທີ່ຈະໄວໄດ້,ເພື່ອແບກຫາບໜ້າທີ່ຮັບຜິດຊອບເທົ່າທີ່ຄວນໃນການຜ່ອນຄາຍວິກິດການມະນຸດສະທຳຢູ່ອັຟການີສະຖານ.
ຄຳເຫັນ
0