ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນະຄອນຫຼວງປັກກິ່ງຂອງຈີນແມ່ນຕົວເມືອງທຳອິດໃນໂລກທີ່ເຄີຍຈັດງານກິລາໂອລິມປິກລະດູຮ້ອນແລະງານກິລາໂອລິມປິກລະດູໜາວ. ງານກິລາໂອລິມປິກປັກກິ່ງປີ 2008 ໄດ້ສ້າງມໍລະດົກງານກິລາໂອລິມປິກທີ່ລ້ຳຄ່າຫຼາຍແຫ່ງ ເຊິ່ງເປັນການຄ້ຳປະກັນທີ່ແຂງແຮງຕໍ່ການພັດທະນາຢ່າງວ່ອງໄວຂອງນະຄອນຫຼວງປັກກິ່ງຫຼັງງານກິລາໂອລິມປິກ. ປີ 2022, ງານກິລາໂອລິມປິກລະດູໜາວປັກກິ່ງໄດ້ເຮັດໃຫ້ກິລານ້ຳກ້ອນແລະຫິມະມີການພັດທະນາແບບກ້າວກະໂດດຂັ້ນອີກຄັ້ງ, ອັນໄດ້ເພີ່ມທະວີການຫັນປ່ຽນຮູບແບບ, ການຍົກລະດັບ ແລະການພັດທະນາຢ່າງມີຄຸນນະພາບສູງຂອງປັກກິ່ງຕື່ມອີກ. ຕົວເລກສະຖິຕິສະແດງໃຫ້ເຫັນວ່າ: ລວມຍອດຜະລິດຕະພັນຂອງປັກກິ່ງໄດ້ເພີ່ມຂຶ້ນຈາກ 2500 ຕື້ຢວນໃນປີ 2015 ເປັນ 4000 ຕື້ຢວນໃນປີ 2021.
ນອກນີ້, ງານກິລາໂອລິມປິກສອງຄັ້ງດັ່ງກ່າວໄດ້ຊຸກຍູ້ໃຫ້ປັດໃຈຂອງກິລາໂອລິມປິກເຊື່ອມໂຍງເຂົ້າກັບການພັດທະນາຂອງຕົວເມືອງ. ມາຮອດປີ 2020, ປັກກິ່ງມີອາສາສະໝັກທີ່ໄດ້ລົງທະບຽນຫຼາຍກວ່າ 4,436 ລ້ານຄົນ, ເພີ່ມຂຶ້ນຫຼາຍກວ່າປີ 2008 ເຖິງ 161%. ປັກກິ່ງຍັງໄດ້ນຳໃຊ້ສະໜາມກິລາຂອງງານກິລາໂອລິມປິກປັກກິ່ງປີ 2008 ຢ່າງເຕັມສ່ວນ, ສ້າງສະໜາມກິລາ 6 ແຫ່ງເພື່ອຈັດງານກິລາໂອລິມປິກລະດູໜາວປັກກິ່ງປີ 2022 ເຊິ່ງສະໜາມກິລາທີ່ສ້າງໃໝ່ເຫຼົ່ານີ້ໄດ້ວາງແຜນການລ່ວງໜ້າກ່ຽວກັບການສືບຕໍ່ນຳໃຊ້ຫຼັງງານກິລາໂອລິມປິກເພື່ອຊຸກຍູ້ການພັດທະນາຢູ່ພາກພື້ນຢ່າງຕໍ່ເນື່ອງໃນອະນາຄົດ. ນອກນີ້, ງານກິລາໂອລິມປິກສອງຄັ້ງຍັງໄດ້ເພີ່ມທະວີການສ້າງພື້ນຖານໂຄງລ່າງ, ເສັ້ນທາງລົດໄຟຄວາມໄວສູງຈາກປັກກິ່ງໄປຫານະຄອນຈ່າງເຈ່ຍໂຂ ແລະເສັ້ນທາງດ່ວນຈາກປັກກິ່ງໄປຫາເມືອງຊົງລີນະຄອນຈ່າງເຈ່ຍໂຂໄດ້ເປີດບໍລິການ, ເສັ້ນທາງຄົມມະນາຄົມທີ່ມີລາງໄດ້ບັນລຸເຖິງ 24 ສາຍ, ມີຄວາມຍາວເຖິງ 727 ກິໂລແມັດ.
ຄຳເຫັນ
0