ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ກຸມພານີ້, ທ່ານຊາອິດ ຄາຕິບຊາເດ, ໂຄສົກກະຊວງການຕ່າງປະເທດອີຣານກ່າວວ່າ: ການເຈລະຈາກ່ຽວກັບບັນຫານິວເຄຼຍອີຣານຂອງບັນດາຝ່າຍທີ່ກ່ຽວຂ້ອງທີ່ຈັດຂຶ້ນຢູ່ນະຄອນຫຼວງວຽນປະເທດໂອຕຼິສໄດ້ຮັບຄວາມຄືບໜ້າສຳຄັນ, ແຕ່ຍັງມີບັນຫາສຳຄັນຈຳນວນໜຶ່ງຕ້ອງໄດ້ຮັບການແກ້ໄຂ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 21 ກຸມພານີ້, ທ່ານຊາອິດ ຄາຕິບຊາເດກ່າວວ່າ: ອີຣານພວມລໍຖ້າປະເທດເອີຣົບແລະອາເມຣິກາຕັດສິນໃຈ, ແຕ່ວ່າມາຮອດປັດຈຸບັນນີ້ຍັງບໍ່ເຫັນປະເທດເຫຼົ່ານີ້ສະແດງທ່າທີຂອງຕົນອອກມາເທື່ອ.
ທ່ານຊາອິດ ຄາຕິບຊາເດກ່າວວ່າ: ອີຣານຈະບໍ່ຜ່ອນສັ້ນຜ່ອນຍາວບັນຫາທີ່ກ່ຽວພັນເຖິງສິດແລະຜົນປະໂຫຍດຂອງປະຊາຊົນອີຣານຈົນເທົ່າໃດໆ. ການລົງໂທດຕ່າງໆທີ່ບໍ່ສອດຄ່ອງກັບຄຳໝັ້ນສັນຍາຂອງບາງປະເທດທີ່ໃຫ້ໄວ້ແລະການສະກັດກັ້ນອີຣານບໍ່ໃຫ້ໄດ້ຮັບຜົນປະໂຫຍດດ້ານເສດຖະກິດຈາກສັນຍານິວເຄຼຍອີຣານນັ້ນຕ້ອງຍົກເລີກທັງໝົດ, ນີ້ແມ່ນໜຶ່ງໃນຫຼັກການຕົ້ນຕໍຂອງອີຣານ.
ຝ່າຍຕ່າງໆທີ່ກ່ຽວຂ້ອງກັບສັນຍາຮອບດ້ານກ່ຽວກັບບັນຫານິວເຄຼຍອີຣານໄດ້ເລີ່ມຈັດການເຈລະຈາກັນຢູ່ນະຄອນຫຼວງວຽນປະເທດໂອຕຼິສໃນເດືອນເມສາປີ 2021, ເພື່ອປຶກສາຫາລືກ່ຽວກັບບັນຫາທີ່ອາເມຣິກາແລະອີຣານຟື້ນຟູການປະຕິບັດສັນຍາຮອບດ້ານກ່ຽວກັບບັນຫານິວເຄຼຍອີຣານ, ອາເມຣິກາແມ່ນເຂົ້າຮ່ວມການເຈລະຈາໂດຍທາງອ້ອມ.
ຄຳເຫັນ
0