ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກຸມພາ 2022 ນີ້ຕາມເວລາທ້ອງຖິ່ນ, ຄະນະຜູ້ແທນຣັດເຊຍແລະອູແກຼນໄດ້ຈັດການເຈລະຈາສັນຕິພາບຢູ່ລັດໂກເມຍຂອງປະເທດເບລາຣູຊີ. ຫຼັງການເຈລະຈາ ສອງຝ່າຍໄດ້ກ່າວວ່າ: ໄດ້ພົບເຫັນຈຸດສຳຄັນໃນຄວາມເຫັນທີ່ເປັນເອກະພາບກັນທີ່ອາດຈະບັນລຸໄດ້ໃນຕໍ່ໜ້າ. ໃນໄລຍະມໍ່ໆນີ້, ສອງຝ່າຍຈະຈັດການເຈລະຈາອີກຄັ້ງໜຶ່ງຢູ່ເຂດຊາຍແດນລະຫວ່າງເບລາຣູຊີແລະໂປໂລຍ.
ທ່ານວະລາດີເມຍ ເມດິນສກີ ຫົວໜ້າຄະນະຜູ້ແທນຣັດເຊຍກ່າວວ່າ: ການເຈລະຈາລະຫວ່າງສອງຝ່າຍໄດ້ດຳເນີນໄປເກືອບ 5 ຊົ່ວໂມງ ເຊິ່ງໄດ້ປຶກສາຫາລືວາລະການເຈລະຈາທຸກຢ່າງ. ໃນການເຈລະຈາ, ສອງຝ່າຍໄດ້ພົບເຫັນຈຸດສຳຄັນຂອງຄວາມເຫັນທີ່ເປັນເອກະພາບກັນທີ່ອາດຈະບັນລຸໄດ້ໃນຕໍ່ໜ້າ. ການເຈລະຈາກຄັ້ງຕໍ່ໄປລະຫວ່າງສອງຝ່າຍ ຈະຈັດຂຶ້ນຢູ່ເຂດຊາຍແດນລະຫວ່າງເບລາຣູຊີແລະໂປໂລຍໃນໄລຍະໃກ້ໆນີ້.
ຄຳເຫັນ
0