ຕອນບ່າຍວັນທີ　6　ມີນານີ້，ທ່ານສີຈິ້ນຜິງ　ເລຂາທິການໃຫຍ່　ຄະນະກຳມະການສູນກາງພັກຄອມມຸນິດຈີນ　ປະທານປະເທດຈີນ　ປະທານຄະນະກຳມະການການທະຫານສູນກາງຈີນໄດ້ໄປຢ້ຽມຢາມຄະນະຜູ້ແທນຈາກວົງການກະສິກຳ　ວົງການສະຫວັດດີການສັງຄົມແລະການປະກັນສັງຄົມທີ່　ເຂົ້າຮ່ວມກອງປະຊຸມຄັ້ງທີ　5　ສະພາປຶກສາການເມືອງປະຊາົຊນແຫ່ງຊາດຈີນ　ຊຸດທີ　13．ທ່ານກ່າວເນັ້ນວ່າ：ການປະຕິບັດຍຸດທະສາດສ້າງຊົນນະບົດໃຫ້　ຈະເລີນຕ້ອງຖືເອົາການຮັບປະກັນດ້ານການສະໜອງຜະລິດຕະພັນກະສິກຳທີ່ສຳຄັນ　ໂດຍສະເພາະແມ່ນສະບຽງອາຫານໄວ້ເປັນໜ້າທີ່ສຳຄັນອັນດັບໜຶ່ງ，ຖືເອົາ　ການຍົກສູງຄວາມສາມາດການຜະລິດສັງລວມດ້ານກະສິກຳເປັນໜ້າທີ່ທີ່ພົ້ນເດັ່ນກວ່າເກົ່າ，ຕ້ອງປະຕິບັດຕາມທິດທາງ＂ມີສະບຽງອາຫານຂຶ້ນຢູ່ກັບທີ່ດິນ　ມີສະບຽງອາຫານຂຶ້ນຢູ່ກັບເຕັກໂນໂລຊີ＂ຢ່າງແທ້ຈ້ງ．

ທ່ານສີຈິ້ນຜິງໄດ້ຊີ້ອອກວ່າ：ຄວາມໝັ້ນຄົງດ້ານສະບຽງອາຫານແມ່ນວຽກ　ງານທີ່ສຳຄັນກວ່າໝູ່ຂອງປະເທດ．ໃນວຽກງານຕ່າງໆນາໆນັ້ນ，ບັນຫາອາຫານ　ການກິນແມ່ນບັນຫາທີ່ໃຫຍ່ທີ່ສຸດ．ປະຊາຊົນຖືເອົາອາຫານການກິນເປັນບັນຫາ　ພື້ນຖານໃນການດຳລົງຊີວິດ．ດ້ວຍຄວາມພະຍາຍາມຢ່າງລຳບາກ，ປະເທດຈີນ　ຈຶ່ງສາມາດລ້ຽງປະຊາຊົນເກືອບ　1　ສ່ວນ　5　ຂອງໂລກໄດ້ດ້ວຍການນຳໃຊ້　ເນື້ອທີ່ດິນປູກຝັງ　9％ໂລກແລະຊັບພະຍາກອນນ້ຳຈືດ　6％ຂອງໂລກ，ໄດ້ປ່ຽນແປງສະພາບຈາກ　400　ລ້ານຄົນກິນບໍ່ອິ່ມໃນເມື່ອກ່ອນກາຍມາເປັນ　ສະພາບທີ່　1，4　ຕື້ກວ່າຄົນກິນດີກິນອິ່ມຄືຊູ່ມື້ນີ້，ໄດ້ໃຫ້ຄຳຕອບທີ່ໜັກແໜ້ນ　ກ່ຽວກັບຕໍ່ບັນຫາທີ່ວ່າໃຜເປັນຜູ້ລ້ຽງປະເທດຈີນນັ້ນຢ່າງແຂງແຮງ．ຜົນງານນີ້ຍາດມາໄດ້ບໍ່ແມ່ນງ່າຍ，ຕ້ອງສືບຕໍປົກປັກຮັກສາແລະເສີມຂະຫຍາຍ．

ທ່ານສີິຈິ້ນຜິງຊີ້ອອກວ່າ：ດິນປູກຝັງແມ່ນພື້ນຖານຂອງການຜະລິດ　ສະບຽງອາຫານ．ເນື້ອທີ່ນາກໍ່ແມ່ນເນື້ອທີ່ນາ，ມີແຕ່ສາມາດນຳໃຊ້　ມັນເພື່ອ　ພັດທະນາການປູກຝັງໂດຍສະເພາະແມ່ນການຜະລິດສະບຽງອາຫານ，ຕ້ອງ　ຈັດຕັ້ງປະຕິບັດລະບຽບການປົກປ້ອງດິນປູກຝັງທີ່ເຂັ້ມງວດທີ່ສຸດ，ເພີ່ມທະວີການ　ຄຸ້ມຄອງການນຳໃຊ້，ເຮັດໃຫ້ການຄອບຄອງທີ່ດິນແລະການຊົດເຊີຍມີຄວາມ　ດຸນດ່ຽງກັນ，ເພີ່ມທະວີການຕິດຕາມຄຸ້ມຄອງການໂອນສິດນຳໃຊ້ທີ່ດິນ，ຊຸກຍູ້ການນຳໃຊ້ດິນຮົກເຮື້ອ，ເດັດດ່ຽວສະກັດກັ້ນການນຳໃຊ້ດິນປູກຝັງໄປ　ໃນທາງທີ່ບໍ່ແມ່ນຮັບໃຊ້ກະສິກຳແລະການນຳໃຊ້ເນື້ອທີ່ດິນປູກຝັງໄປໃຊ້ໃນທາງທີ່ບໍ່ແມ່ນເພື່ອຜະລິດສະບຽງອາຫານ．ເນື້ອທີ່ນາຕ້ອງແມ່ນນາດີ，ຕ້ອງສ້າງເຂດ　ຜະລິດສະບຽງອາຫານຂອງປະເທດທີ່ມີຄວາມໝັ້ນຄົງ，ເພີ່ມທະວີການສ້າງຊົນລະ　ປະທານສຳລັບເນື້ອທີ່ນາ，ປະຕິບັດໂຄງການອະນຸລັກດິນດຳ，ແບ່ງປະເພດເພື່ອ　ປັບປຸງດິນເຄັມ，ພະຍາຍາມສ້າງເນື້ອທີ່ນາທີ່ມີມາດຕະຖານສູງໃຫ້ໄດ້ປະມານ　67．000．000　ເຮັກຕາໃຫ້ສຳເລັດ．ຕ້ອງນຳໃຊ້ມາດຕະການ＂ໄມ້ແຂງ＂，ຮັດແໜ້ນຄວາມຮັບຜິດຊອບຂອງອົງຄະນະພັກແລະອົງການປົກຄອງທ້ອງຖິ່ນຂັ້ນຕ່າງໆໃນການອະນລັກດິນປູກຝັງນັ້ນຢ່າງຮອບດ້ານ，ສູນກາງຕ້ອງເຊັນສັນຍາ　ແບບໃບປະຕິຍານການທະຫານວ່າດ້ວຍການອະນຸລັກດິນປູກຝັງກັບທ້ອງຖິ່ນຕ່າງໆ，ຕິດຕາມກວດສອບຢ່າງເຂັ້ມງວດ　ແລະທາວຫາຄວາມຮັບຜິດຊອບ　ຕະຫຼອດຊີວິດ，ຮັບປະກັນໃຫ້ດິນປູກຝັງບໍ່ໃຫ້ມີໜ້ອຍກວ່າ　120．000．000　ເຮັກຕາຢ່າງແທ້ຈິງ．