ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ມີນານີ້, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນຊີ້ໃຫ້ເຫັນວ່າ: ຈີນແລະອາເມຣິກາຄວນສ້າງມິດຕະພາບຄືນໃໝ່ ແລະກຳນົດເສັ້ນທາງໃໝ່.
ທ່ານຫວາງຢີ້ກ່າວວ່າ: ຝ່າຍຈີນເຫັນວ່າ, ການແຂ່ງຂັນກັນລະຫວ່າງປະເທດໃຫຍ່ບໍ່ແມ່ນຫົວຂໍ້ຫຼັກຂອງຍຸກສະໄໝ, ການເປັນປໍລະປັກກັນແບບເຈົ້າໄດ້ຂ້ອຍເສຍຫຼືເກມຜົນລວມເປັນສູນນັ້ນ ບໍ່ແມ່ນທາງເລືອກທີ່ຖືກຕ້ອງ. ໃນຍຸກໂລກາພິວັດທີ່ແຕ່ລະຝ່າຍຕ້ອງເພິ່ງພາອາໄສກັນ, ຈີນແລະອາເມຣິກາທີ່ເປັນສອງປະເທດໃຫຍ່ຄວນເຮັດແນວໃດຈຶ່ງຈະສາມາດຊອກເຫັນວິທີຢູ່ຮ່ວມກັນທີ່ຖືກຕ້ອງໄດ້ນັ້ນ ຈຶ່ງແມ່ນວິທີທີ່ສັງຄົມມະນຸດບໍ່ເຄີຍພົບເຫັນມາກ່ອນ, ຍັງແມ່ນບັນຫາທີ່ສອງປະເທດຕ້ອງແກ້ໄຂຮ່ວມກັນ.
ທ່ານຫວາງຢີ້ຍັງກ່າວເນັ້ນວ່າ: ສອງຝ່າຍຄວນຫັນປ່ຽນນະໂຍບາຍແຂ່ງຂັນກັນ ຮ່ວມມືກັນ ແລະເປັນປໍລະປັກກັນ 3 ຢ່າງນີ້ດ້ວຍການຫັນມາປະຕິບັດຕາມ 3 ຫຼັກການຂອງການເຄົາລົບກັນ ຢູ່ຮ່ວມກັນໂດຍສັນຕິ ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ, ອາເມຣິກາຄວນນຳໃຊ້ນະໂຍບາຍທີ່ມີຕໍ່ຈີນທີ່ຕິດແທດຕົວຈິງແລະຖືກຕ້ອງຄືນໃໝ່ ແລະຊຸກຍູ້ໃຫ້ການພົວພັນລະຫວ່າງຈີນ-ອາເມຣິກາກັບຄືນສູ່ເສັ້ນທາງທີ່ປອດໄພໝັ້ນທ່ຽງແລະຖືກຕ້ອງ.
ຄຳເຫັນ
0