ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວຈາກເວັບໄຊທຳນຽບປະທານາທິບໍດີອາເມຣິກາ,ໃນວັນທີ13ມີນານີ້,ທ່ານໂຈ ໄບເດັນ ປະທານາທິບໍດີອາເມຣິກາໄດ້ລົມກັບທ່ານເອັມມານູເອວ ມາຄຼົງ ປະທານາທິບໍດີຝລັ່ງຜ່ານທາງໂທລະສັບ.
ຂ່າວແຈ້ງໃຫ້ຮູ້ວ່າ:ຜູ້ນຳອາເມຣິກາແລະຝລັ່ງໄດ້ເຈາະຈົງປຶກສາຫາລືກັນກ່ຽວກັບການປະທະກັນລະຫວ່າງຣັດເຊຍແລະອູແກຼນ,ໂດຍກ່າວເນັ້ນວ່າ ອາເມຣິກາແລະຝລັ່ງລ້ວນແຕ່ຕ້ອງໃຫ້ຣັດເຊຍຮັບຜິດຊອບຕໍ່ການກະທຳຂອງຕົນ.ນອກນີ້,ສອງທ່ານຍັງກ່າວຢ້ຳວ່າຈະໃຫ້ການສະໜັບສະໜູນແກ່ຝ່າຍອູແກຼນ.
ວັນທີ24ກຸມພາຜ່ານມານີ້,ຣັດເຊຍໄດ້ປະກາດທຳການເຄື່ອນໄຫວທາງການທະຫານພິເສດຕໍ່ເຂດດອນບັສປະເທດອູແກຼນ. ຫຼັງຈາກນັ້ນ,ອາເມຣິກາແລະຫຼາຍປະເທດຕາເວັນຕົກກໍເລີ່ມທຳການລົງໂທດຫຼາຍຮອບຕໍ່ຣັດເຊຍໃນຫຼາຍຂົງເຂດ ເຊັ່ນການທະນາຄານ,ພະລັງງານແລະການຈໍລະຈອນຂົນສົ່ງເປັນຕົ້ນ.
ຄະນະຜູ້ແທນຂອງຣັດເຊຍແລະອູແກຼນໄດ້ຈັດການເຈລະຈາ3ເທື່ອຢູ່ປະເທດເບລາຣຸດຊີໃນວັນທີ28ກຸມພາຜ່ານມາ,ວັນທີ3ແລະວັນທີ7ເດືອນມີນານີ້. ໃນການເຈລະຈາຮອບທີສອງ, ສອງຝ່າຍໄດ້ກ້າວເຖິງຂັ້ນມີຄວາມເຫັນເປັນເອກະພາບກັນກ່ຽວກັບການສະໜອງລະບຽງມະນຸດສະທຳເພື່ອເປັນຊ່ອງທາງໃຫ້ປະຊາຊົນໄປຕ່າງປະເທດ,ຂົນສົ່ງອາຫານການກິນແລະຢາປິ່ນປົວ.
ຄຳເຫັນ
0