ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ມີນານີ້, ກະຊວງການຕ່າງປະເທດຣັດເຊຍແຈ້ງໃຫ້ຮູ້ວ່າ,ຣັດເຊຍປະກາດວ່າຈະລົງໂທດຕໍ່ທ່ານໂຈ ໄບເດັນ ປະທານາທິບໍດີອາເມຣິກາ.
ແຈ້ງການຂອງກະຊວງການຕ່າງປະເທດຣັດເຊຍລະບຸວ່າ: ເພື່ອຕອບໂຕ້ມາດຕະການລົງໂທດຕ່າງໆທີ່ບໍ່ເຄີຍມີມາກ່ອນ ເຊິ່ງລວມທັງຫ້າມບໍ່ໃຫ້ເຈົ້າໜ້າທີ່ລະດັບສູງຂອງຣັດເຊຍເຂົ້າອາເມຣິກາເປັນຕົ້ນ, ນັບແຕ່ວັນທີ 15 ມີນານີ້ເປັນຕົ້ນໄປ, ຣັດເຊຍຈະຈັດຜູ້ຮັບຜິດຊອບອົງການ ແລະ ບຸກຄົນທີ່ມີຊື່ສຽງຂອງອາເມຣິກາ 13 ຄົນ ເຊັ່ນ:ທ່ານໂຈ ໄບເດັນປະທານາທິບໍດີ, ທ່ານອັນໂຕນີ ບຼີນເກນ ລັດຖະມົນຕີກະຊວງການຕ່າງປະເທດ ແລະ ທ່ານໂລເຢີດ ອົສຕິນ ລັດຖະມົນຕີກະຊວງປ້ອງກັນປະເທດອາເມຣິກາເຂົ້າໃນ “ລາຍຊື່ຫ້າມບໍ່ໃຫ້ເຂົ້າຣັດເຊຍ” ໂດຍອີງຕາມຫຼັກການເທົ່າທຽມກັນ.
ພ້ອມກັນນັ້ນ, ກະຊວງການຕ່າງປະເທດຣັດເຊຍແຈ້ງໃຫ້ຮູ້ຕື່່ມວ່າ, ຣັດເຊຍຈະບໍ່ລົງໂທດການຕິດຕໍ່ກັບຝ່າຍທາງການ, ຖ້າສອດຄ່ອງກັບຜົນປະໂຫຍດແຫ່ງລັດຂອງຣັດເຊຍ ແລະ ມີຄວາມຈຳເປັນ, ຣັດເຊຍຍັງສາມາດອະນຸຍາດໃຫ້ບຸກຄົນອາເມຣິກາທີ່ຢູ່ໃນລາຍຊື່ດັ່ງກ່າວເຂົ້າຣັດເຊຍໄດ້ເພື່ອຈັດການຕິດຕໍ່ລະດັບສູງ.
ຄຳເຫັນ
0